阿不

營業中

休息中

話說上個月幫襯午市點心，興奮到嗱嗱聲寫個食評點讚。今日老爸生日，帶佢食好嘢！奈何大失所望⋯⋯（可能期望太高）。從入座可以講講，明顯加多咗枱，所以座位間比起午市較為逼少少；員工服務方面係可以的；食物方面從食材及烹調都頗失望，唯一味道仍有水準的係海鮮炒麵，但⋯材料中既海鮮，鮮味已失色。尖椒炒牛頸脊，絕對醃製過度，肉質變「霉」，完全無牛肉味。金沙蝦球蘿蔔糕，蘿蔔糕仲有雪味，真的太有驚而無喜！不過其中一款三杯雞，比較出色，色香味都不錯。結論：會再幫襯嘅，不過都係午飯食點心比較穩陣