Chop Chop 食神叉燒 (宏安道) (已結業)

要揀今年去得最多次嘅餐廳，一定係位於炮台山嘅呢間食神叉燒chop chop。疫情期間我地好少離開北角開餐，但又想食好d，所以好多時都會收工之後係食神叉燒chop chop買個二人餐返屋企嘆，呢度嘅腩叉燒質素非常高而且穩定，從來都未試過令我地失望。😁今日同老婆收工原本都打算買個二人餐返屋企開餐，不過店員姨姨話剛推出左煲仔飯，趁今日天氣突然轉冷，就決定入去試試呢個煲仔飯。餐廳裝修有別於一般燒臘店，樓底高而且裝修簡約新穎，座位亦寬敞舒適。😌食神叉燒chop chop新推出嘅煲仔飯一共有十款，最特別係黯然銷魂煲仔飯，採用腩叉燒加窩蛋，不過因為老婆好想食燒腩仔，所以我地今次揀左燒味雙拼飯，煲仔飯就揀排骨臘腸。兩個人share食肯定夠哂飽。😆食神腩叉燒拼燒腩仔飯餐廳嘅招牌菜腩叉燒真係非常出色，肉質超軟腍，配上特製叉燒汁，入口肥而不膩，燒腩仔外皮鬆脆，肥瘦有致，沾上芥末醬更加惹味可口，雙拼飯的燒味份量都好多，兩個人share每人都可以食到好多件。😋排骨臘腸煲仔飯剛推出的煲仔飯質素都唔錯，飯底濕度適中帶有飯焦，臘腸脂肪飽滿入口油香充盈，排骨肉質非常好，軟腍之餘亦帶有少少爽勁。👍🏻餐廳飲品亦有多款選擇，