瀰月屋 (已結業)

6月4日, 食完晚飯, 同呀比兩個漫步到清風街附近, 想起橋底有數間甜品店, 而當中在早期熱爆openrice、充滿日式風味的瀰月屋竟然又無乜人~ 可能仲係8點幾太早卦, 於是乎又挑起咗我地個甜品癮啦~~~::: 瀰月三色 ::: $55叫咗好幾樣期間限定嘅甜點都無… 有d掃興地就同呀比兩個人share一個一人前定食就算. 呢個瀰月三色包括三款自選嘅和菓子, 我地揀咗葛軟糍、甘栗湯菓子、茶巾~ 定食賣相亦好精緻好日式! 指定口味嘅葛軟糍有黑糖同原味兩種, 質感煙韌, 沾上少少黃豆粉食, 味道更香甜~ 而甘栗湯果子原來係用糖水浸住d栗子! 栗子都煮得幾淋, 但就已經無乜甜味… 反而個湯就有陣淡淡嘅律子味添~ 最後嘅茶巾不論係個名同個樣都好有趣! 真係有d似磋埋一舊嘅泥膠… 而佢口感亦比較軟糯, 味道則較前2者清淡~瀰月屋嘅甜品都比較精緻, 味道亦行清淡路線… 但我地都鍾意食d濃味d, 大份d嘅甜品~ 所以呢度都麻麻地係我地杯茶… 但若論環境同氣氛, 呢度絕對有日本人嘅認真同講究, 完全令人感覺置身於老日本之中~