春城銅鍋米線

營業中

休息中

餐廳：春城銅鍋米線地點：尖沙咀厚福街菜式：雲南米線餐牌：醒胃酸菜飯、即叫即滾湯飯、昆明媽媽推介、自選雙拼米線、小食推介、飲品。蟲草花椰子雞米線 $62 轉雞脾 加$8米線熱辣辣上枱，聞到好香椰子味，椰子混合雞湯，唔油好飲。面頭一大隻雞脾切開方便食用，皮滑肉嫩，食到雞味。米線滑溜較淋身，配有蟲草花，紅棗，木耳絲同兩條生菜，材料豐富有口感。呢款米線養生之餘又好味道。炸脆脆蝦膠豆卜 $25呢個價錢係三粒，可以叫五粒。炸脆脆蝦膠豆卜炸得外皮香脆而入面蝦膠好彈牙又鮮味，配甜酸醬非常開胃，墊有生菜解膩。支裝豆漿 加$12支裝豆漿好大支，夠凍。米線果然唔錯，小食都幾好，主食價錢好平。餐廳裝修光猛乾淨，平日晚市都有唔少食客。