更多
2018-11-12
989 瀏覽
之前黎過呢幢大廈都知，每層其實唔算大，加上夜晚黎到滿座咁濟，所以同隔離檯會稍微親近😂不過呢度佈置到滿天繁星，氣氛頗有情調，都適合慶祝節目😳👁🗨 Set Dinner 法式紙包焗三文魚（7.5/10）+ Set Dinner 慢煮羊西冷（7.5/10）💲478 + 488精緻小吃係三文魚慕絲，質感輕盈得黎三文魚味夠香濃😍燒南瓜沙律，帶有香甜軟腍既南瓜片、芝士粒、沙律菜、麵包粒、酸甜開胃既番茄乾、松子🥗是日餐湯為意大利菜湯，飲落唔會話好酸，入面都有幾多雜菜同埋腰豆，餐包有香草味，仲有唧花牛油🤓食咗咁多嘢終於到主菜，法式紙包焗三文魚口感嫩滑，尤其鍾意個頗濃牛油香既湯汁，配有蘿蔔、西芹，可以自行加上檸檬汁添🍋另一個主菜係夠曬軟腍既慢煮羊西冷，食落有羊味但唔會好羶，配有南瓜蓉汁同埋燒汁，薯仔雖則比較硬身，但係保留到好重薯仔味🥔至於法式栗子蒙布朗蛋糕，面頭係栗子蓉，中間係細滑忌廉，底層有海綿蛋糕，伴碟有藍莓、紅桑子、士多啤梨🍰包埋咖啡或茶，不過我地都叫左額外飲品👁🗨 （左）Passion Fruit Mojito（7/10）💲88朋友叫左杯熱情果mojito，感覺出面比較少見，望落熱情果籽多，
👁🗨 Set Dinner 法式紙包焗三文魚（7.5/10）+ Set Dinner 慢煮羊西冷（7.5/10）💲478 + 488
精緻小吃係三文魚慕絲，質感輕盈得黎三文魚味夠香濃😍
燒南瓜沙律，帶有香甜軟腍既南瓜片、芝士粒、沙律菜、麵包粒、酸甜開胃既番茄乾、松子🥗
是日餐湯為意大利菜湯，飲落唔會話好酸，入面都有幾多雜菜同埋腰豆，餐包有香草味，仲有唧花牛油🤓
食咗咁多嘢終於到主菜，法式紙包焗三文魚口感嫩滑，尤其鍾意個頗濃牛油香既湯汁，配有蘿蔔、西芹，可以自行加上檸檬汁添🍋
另一個主菜係夠曬軟腍既慢煮羊西冷，食落有羊味但唔會好羶，配有南瓜蓉汁同埋燒汁，薯仔雖則比較硬身，但係保留到好重薯仔味🥔
至於法式栗子蒙布朗蛋糕，面頭係栗子蓉，中間係細滑忌廉，底層有海綿蛋糕，伴碟有藍莓、紅桑子、士多啤梨🍰
包埋咖啡或茶，不過我地都叫左額外飲品👁🗨 （左）Passion Fruit Mojito（7/10）💲88
朋友叫左杯熱情果mojito，感覺出面比較少見，望落熱情果籽多，但始終酒味濃既關係，熱情果味吾係太突出，甜度適中，兩者既味道都幾夾
👁🗨 （右）Cucumber Mojito（7/10）💲88
以Classic Mojito黎講，冧酒、青檸汁、薄荷葉、梳打水都係不可或缺既，今次我要左呢杯Cucumber Mojito，多左一陣好突出既青瓜味，比起平時更加清新🥒飲得出呢杯既酒精濃度比起坊間既Mojito高，而且大杯份量都偏多，飲極仲有幾抵飲🍸
🔛 整體評分（7.5/10）
張貼
