更多
2016-12-03
841 瀏覽
有時間總要約出黎傾下計吐下苦水，去酒吧食野飲野輕鬆下。之前去過依間既尖沙咀分店食飯倒數除夕，記得海鮮同小食都好食，巧合發現原來開左係太平道，食完搭車都方便得多，所以約左黎依間聚一聚上次係分店叫過海鮮拼盤覺得幾好食，所以今次我地再encore，總共有六款海鮮<<翡翠螺>>好大隻厚肉，要好大力叉出黎，食落個質感好爽韌，好新鮮又無沙<<青口>>比一般食既細隻小小，味道清清地，食落無腥味，唔洗沾醬都好食<<鮑魚>>用左磯燒汁煮完再雪凍，咬落煙煙韌韌，味道甜甜地，好好食，好似和風照燒元貝既味道<<赤海蝦>>手掌咁長咁大隻，味道好鮮甜，咀嚼少少粘牙，同日式蝦刺身一樣好食<<麵包蟹>>平時都比較少食，蟹膏比普通蟹多，食落蟹味較淡，但勝在啖啖肉<<龍蝦>>勁多龍蝦籽，肉質爽口，幾重龍蝦味，唔錯<<生蠔: Island Pacific>>大大隻食落好鮮甜爽滑，食得出好新鮮，帶少少海水
上次係分店叫過海鮮拼盤覺得幾好食，所以今次我地再encore，總共有六款海鮮
<<翡翠螺>>好大隻厚肉，要好大力叉出黎，食落個質感好爽韌，好新鮮又無沙
<<青口>>
比一般食既細隻小小，味道清清地，食落無腥味，唔洗沾醬都好食
<<鮑魚>>
用左磯燒汁煮完再雪凍，咬落煙煙韌韌，味道甜甜地，好好食，好似和風照燒元貝既味道
<<赤海蝦>>手掌咁長咁大隻，味道好鮮甜，咀嚼少少粘牙，同日式蝦刺身一樣好食
<<麵包蟹>>
平時都比較少食，蟹膏比普通蟹多，食落蟹味較淡，但勝在啖啖肉
<<龍蝦>>
勁多龍蝦籽，肉質爽口，幾重龍蝦味，唔錯
<<生蠔: Island Pacific>>大大隻食落好鮮甜爽滑，食得出好新鮮，帶少少海水味，我幾鍾意
<<炸魚柳伴薯條配沙律菜>>用左單車型既小食架載住，好得意，魚柳炸得好酥脆，外皮脆卜卜，食落外脆內嫩，肉質好滑，薯條都炸得香口同重薯味，凍左咬落都仲好脆，依款小食係我地三個至愛
<<香芒烤雞薄餅>>薄餅底食落幾香脆，個底唔會整得好厚，芒果、蕃茄醬同芝士味道幾夾之餘，味道濃郁得黎又唔會覺得食到酸味，份量唔會太大個而塞到飽
<<Strawberry me>>成杯係士多啤梨沙冰加左甜酒，飲落好濃士多啤梨味，唔會好重酒，面頭係士多啤梨系列既百力支、威化餅，針筒型個支係糖水，如果唔夠甜，可以自己放幾滴溝係沙冰度，好好飲
<<Honey Bee>>菠蘿沙冰加酒，飲落帶酸，用支蜜糖棒棒沾返少少蜜糖加落沙冰中和返個味道，飲落都幾開胃
<<Einstein>>底層藍色係荔枝、七喜加伏特加，入面係粉色葡萄柚糖漿，兩樣溝埋容易入口幾好飲，仲有粒大冰座住，凍住飲一流
張貼
