更多
2019-05-07
70 瀏覽
去完日本，對港式日本料理一時心淡😑 在思鄉病發作期，唯有多吃西餐調劑心情😪 飯友也是豪遊歸來，我地約係呢間平平地Lockeroom，係咁意等荷包有機會抖下🤔見到門口掛著阿仙奴霸氣LOGO及隊徽三角旗，已經知呢度係👉【阿記冰室】👈lol 好啦，我就抱住去人地主場作客心態，觀瞻下簽名波衫，欣賞下滿牆球星閃卡，一時閃到眼花繚亂，真係世界級豪華更衣室⚽️（可惜見唔到我偶像Pippo，可能因為佢已過氣多年🤣又或者角落頭有🙈）Set Dinner $108～$198，飯友揀$108 溫泉蛋卡邦尼意粉，我揀$198 牛扒+鵝肝，頭尾包抄✌️🤓蒜蓉包偏甜，落足牛油，蒜蓉幾香。瓶裝沙律玩甜美果園風格（？），彩椒🌶️似生果，粒粒芒果🥭爆珠玩下變奏，黑醋葡萄味🍇重，甜似Vinocotto果醬，啱晒不喜吃醋的我👏不過咁黏稠既醬汁「雨露均霑」有難度，如果可以落少少橄欖油溝稀佢就好啦！第一次係西餐廳食到白蘿蔔濃湯，估唔到蘿蔔都可以咁洋氣lol 蘿蔔蓉未完全打爛，刻意保留顆粒口感，成品介乎清湯與濃湯之間，粗中有細，苦中帶甘，值得玩味🥴（我似乎食到少少麥香/豆乳香？）主菜：美國1855西冷牛扒配鵝肝！身為牛殺手，每次食西
見到門口掛著阿仙奴霸氣LOGO及隊徽三角旗，已經知呢度係👉【阿記冰室】👈lol 好啦，我就抱住去人地主場作客心態，觀瞻下簽名波衫，欣賞下滿牆球星閃卡，一時閃到眼花繚亂，真係世界級豪華更衣室⚽️
（可惜見唔到我偶像Pippo，可能因為佢已過氣多年🤣
又或者角落頭有🙈）
Set Dinner $108～$198，飯友揀$108 溫泉蛋卡邦尼意粉，我揀$198 牛扒+鵝肝，頭尾包抄✌️🤓
蒜蓉包
13 瀏覽
0 讚好
0 留言
蒜蓉包偏甜，落足牛油，蒜蓉幾香。
沙律
8 瀏覽
0 讚好
0 留言
瓶裝沙律玩甜美果園風格（？），彩椒🌶️似生果，粒粒芒果🥭爆珠玩下變奏，黑醋葡萄味🍇重，甜似Vinocotto果醬，啱晒不喜吃醋的我👏
不過咁黏稠既醬汁「雨露均霑」有難度，如果可以落少少橄欖油溝稀佢就好啦！
蘿蔔濃湯
4 瀏覽
0 讚好
0 留言
第一次係西餐廳食到白蘿蔔濃湯，估唔到蘿蔔都可以咁洋氣lol 蘿蔔蓉未完全打爛，刻意保留顆粒口感，成品介乎清湯與濃湯之間，粗中有細，苦中帶甘，值得玩味🥴
（我似乎食到少少麥香/豆乳香？）
美國1855西冷牛扒配鵝肝
$198
7 瀏覽
0 讚好
0 留言
主菜：美國1855西冷牛扒配鵝肝！
身為牛殺手，每次食西餐都會係「鋸扒」<->「唔鋸扒」之間拉鋸戰，所幸今次既美國1855牛扒無令我失望。
牛扒煎至漂亮的粉紅色，肉汁在齒間迸發金黃色的香氣，脂肪甘香彈牙（有近乎熟成的錯覺？）至於醬汁已不太記得😅
對比上星期在酒店食到的$148半自助午餐「雞肋級」牛扒，呢舊扒已經算高質抵食！！！
鵝肝外粉內嫩，不是超級肥美，也算滿意。
配菜也有新意，焗番茄軟成一汪春水，羽衣甘藍的皺葉最啱索飽肉汁，紫薯蓉非常柔滑，應該落左好多cream，依然清新。
溫泉蛋卡邦尼意粉唔記得影相添🙈
我吃不慣加cream卡邦尼，嚐一口就算。
以下為飯友評價：
意粉軟硬度剛好，做到al dente，唔似有d茶餐廳貪快，求其漉兩漉就夾硬出街。醬汁creamy，味稍濃，少少蓋住其他味。煙肉偏瘦，溫泉蛋有蛋香，但略熟唔夠流心。
法式焦糖燉蛋拼拿破崙
$55
5 瀏覽
0 讚好
0 留言
套餐加甜品可以半價😍法式焦糖燉蛋拼拿破崙，燉蛋不算特別細膩，但蛋香、奶香、雲呢拿香混合得幾好😌
而餅面芳香清甜的cream令我想起🇮🇹🍅既高質cream🤤 雖然不知為何拿破崙變成手指餅，不過我本身就鍾意手指餅多過酥皮，而且佢用既手指餅又真係幾香！
熱檸茶
3 瀏覽
0 讚好
0 留言
熱檸茶跟餐，紅茶澀味不重，一絲花香稍縱即逝，茶具好靚🙆🏻♀️ 落糖之後，有d似維他檸檬茶😂
綜觀樓上cafe，十之有九大伏，當中懶文藝之最，只可打卡不宜食用。與其給看客營造ig形象，這間cafe花心思為食客留住味覺印象：不堆砌食材，不玩複雜概念；主菜過關，每道菜至少有一個亮點，一點一點串連成線，從一眾量產型西餐中脫穎而出。沒有離地的打卡環境，卻實在打救到你的味蕾和胃。
PS：對女生來說，套餐分量剛好，就算食最heavy既牛扒，甜品過後依然體感輕盈，不至於飽到行唔到街。此外，餐廳地點方便、氛圍也很輕鬆，不介意嘈&逼的話，放工可來此小聚👯♀️👯♂️
張貼
