Lion Rock (已結業)

我好喜歡去Afternoon Tea, 經常也四出找尋環境舒適、食物精緻的地方下午茶。是日去了帝京酒店獅子樓試試黑鑽松露下午茶。 餐飲選了South Africa Chocolate Mint Truffle Tea, 味道特別, 茶香怡人, 唔係好多酒店供應這款茶, 茶具精緻。下層: 最好味係個黑松露菌蘑菇龍蝦酥盒&黑松露菌香芒帶子撻, 酥盒、撻底相當鬆化, 具牛油味香。至於個蝦漢堡, 餡料非常厚大, 但稍欠彈牙, 另外三文治的炒蛋很滑, parma ham及黑松露加添了咸香, 但如是烘底的話更perfect。中層: 係最好味嗰層, 全部都難以抗拒, 平時最怕食白朱古力, 呢個白朱古力cheesecake又好好食喎, 味道其實近乎American cheesecake。草莓慕思朱古力杯外型可愛, 好似小盆栽, 慕思帶有微酸, 唔係葯水味的死甜, 而食緊軟心朱古力撻時就最能感受到朱古力&黑松露的香滑濃郁。上層: 藍莓小蛋糕什有驚喜, 想不到蛋糕內有香甜的藍莓醬&藍莓肉, 微暖鬆軟的提子鬆餅配上草莓果醬, 一個實在太少。而焦糖燉蛋面層焦糖燒得幾脆, 食到粒粒黑松露&雲呢拿籽, 真材實料。