韓舍 (已結業)

上司同家姐食完呢間之後覺得唔錯所以今次一家四口帶埋爸爸媽媽一齊嚟食 因為媽媽一向都鍾意食韓燒 同中意食下啲唔同種類嘅嘢 所以就決定帶佢哋嚟啦 究竟今次會唔會同上次一樣咁好味呢？今日一嚟到唔係太多人 所以一嚟到大家都好熱情咁招待我哋 帶位各樣都好多人手 但係慢慢就越來越多人啦 心諗平日都咁多人如果星期六日唔訂位一定無得食 不過通常食呢啲嘅人都會book位既☺️首先講吓佢嘅主打韓燒雖然佢哋肉類都唔多 但係佢啲肉質就真係夠哂嫩口既 例如豬梅肉 雖然一夾起上嚟好大塊 但係佢嘅厚度啱啱好 唔會話太薄或者太厚 食起上嚟唔會太難嚼 而且枱面有剪刀 可以等佢熟咗 之後剪開嚟食！不過個牛仔骨同豬頸肉都好難咬開 吾知系吾系我地既問題呢？可能太熟？刺身方面有四款俾你揀 最好味嘅就係三文魚 佢切到方形甘 唔會話好吝嗇 又吾會切到好薄甘 有反d口感 而且佢每次都會倒d冰落個碗到 keep住d温度！而呢間野真系幾多新款式 有好多吾同款既甜品 有炒雪糕機 棉花糖機 八瓜魚機 爆谷機 如果帶小朋友黎食一定好開心！咩都有得自己整自己玩自己食！整體上，我覺得吾錯 因為可以食下d新款式 比較新潮 大家都可以試下脫下傳統既韓燒