更多
2016-08-18
831 瀏覽
前一排有位去左海外讀書既中同暑假翻黎香港，當然要約佢食餐飯聚下舊啦，佢話想食下韓燒放題，因為以前中學一大班人好鍾意食，食物未必好好食，但一班朋友食得好開心，咁今次我就提議黎試下韓舍喇。🙋🏻一入到黎發現原來係全自助既放題，除左燒烤既肉類蔬菜之外，仲有好多款式既食物，熟食、凍盤海鮮、壽司、刺身、炸物、沙津、甜品......一應俱全，想食乜，想食幾多，完全自己話事😛為免一路食一路行黎行去，決定拎左想食既食物先坐低慢慢嘆，結果拎到成枱都係，但放心，我地冇浪費食物有食晒架😂肉類拎左五花肉、黑椒牛柳粒、豬頸肉、雞翼同韓式辣雞肉等，調味都唔錯醃得幾入味，唔會話太味精。而且仲有調味醬料同配菜可以拎，我就拎左生菜、泡菜、生蒜加韓式辣醬黎包燒好既肉，咁樣食冇咁油膩仲好清爽添，係咪好有韓國feel先😂當然唔可以淨係燒肉，拎左d蔬菜，我最鍾意燒翠玉瓜，燒完之後依然咁爽甜多汁。刺身拎左蟹棒同三文魚，雖然切得較細件，不過勝在有冰粒震住，而且夠凍夠新鮮。熟食拎左d韓式煎餅同炸魚柳，煎餅味道唔錯煎得幾香口，但炸魚就一般了，因為食既時候已經凍左。呢個爐都燒得幾好，唔會痴底，不過抽油煙功能就一般。呢到最得意既地方係好多D
一入到黎發現原來係全自助既放題，除左燒烤既肉類蔬菜之外，仲有好多款式既食物，熟食、凍盤海鮮、壽司、刺身、炸物、沙津、甜品......一應俱全，想食乜，想食幾多，完全自己話事😛
為免一路食一路行黎行去，決定拎左想食既食物先坐低慢慢嘆，結果拎到成枱都係，但放心，我地冇浪費食物有食晒架😂
肉類拎左五花肉、黑椒牛柳粒、豬頸肉、雞翼同韓式辣雞肉等，調味都唔錯醃得幾入味，唔會話太味精。
而且仲有調味醬料同配菜可以拎，我就拎左生菜、泡菜、生蒜加韓式辣醬黎包燒好既肉，咁樣食冇咁油膩仲好清爽添，係咪好有韓國feel先😂
當然唔可以淨係燒肉，拎左d蔬菜，我最鍾意燒翠玉瓜，燒完之後依然咁爽甜多汁。
刺身拎左蟹棒同三文魚，雖然切得較細件，不過勝在有冰粒震住，而且夠凍夠新鮮。
熟食拎左d韓式煎餅同炸魚柳，煎餅味道唔錯煎得幾香口，但炸魚就一般了，因為食既時候已經凍左。
呢個爐都燒得幾好，唔會痴底，不過抽油煙功能就一般。
呢到最得意既地方係好多DIY既食物，有炒雪糕、燒鯛魚燒、章魚燒、炒年糕，啱晒鍾意自己煮過下手癮既人，我都自己試整左章魚燒，原來要整到圓碌碌都唔容易架，同埋等佢熟都要比d耐性，不過成品都幾靚，呃得下人哈哈，味道都ok啊，我整架喎😂
最後幾飽都要食埋甜品先完滿架嘛，揀左oreo木糠布甸、tiramisu 、綠茶糯米糍同藍莓芝士餅，款款都細細件，可以比我試多d唔同味，滿足晒貪心既我。
張貼
