更多
2018-05-05
1555 瀏覽
係波鞋街附近既商場搵食,係行街中無意中發現一個靚靚既後花園,有花花草草同我最愛既日光環境舒適,同朋友食個飯吹個水不失為個好飯腳地方。發現好抵既午餐餐牌,比散叫化算好多1+2+3!包田園沙律,招牌泰式奶茶奶蓋+18,主菜揀左喇沙雞湯麵,揀左油酥手抓餅小食。午餐田園沙律油酥手抓餅泰式奶茶奶蓋,唔算太甜,有d似以前係泰國飲到既奶茶味,配上奶蓋好邪惡奶蓋味道都夠濃整體唔錯午餐既喇沙雞湯麵,喇沙有小小稀,個人鍾意食傑身既喇沙,味道唔夠惹味,但粒豆卜索晒味幾唔錯冬陰雞亦,冬陰功湯就飲得多啦!冬陰功雞亦真係第一次食,岩岩炸起熱辣辣,一份有六隻,食落酸酸地咁味道幾特別,不過食完好熱氣呀另一款係班蘭青咖哩雞,賣相都幾靚仔,唔食辣既都食得到入面有雞、茄子,雞係無骨的,雞夠滑,用黎點手抓餅食幾惹味芝士蝦球,勁大粒既芝士蝦球,外層係黑芝麻包住好彈牙既蝦球,蝦球再包住芝士。網上見到芝士係好流心的,不過我尼個唔流心但味道係不錯的,有蝦味而且夠彈牙。飯後一點甜,奶茶茶凍。上面有一pat cream,好驚喜啊係打得好挺身既cream好鍾意!奶茶味都幾出,好好味。
張貼