更多
2018-01-06
133 瀏覽
之前聽朋友講旺角有間泰國餐廳裝修得好靚，今日終於都有時間黎朝聖啦！原來除左裝修靚之外，食物賣相都好靚仲好好味添！🤤🤤我地叫左1個小食，2個主食同埋一定唔少得嘅經典泰式甜品－芒果糯米飯。不過佢啲野都幾大碟，應該多啲人一齊share食。酸辣鳳爪沙律 HKD 66我同朋友都好鍾意食泰式無骨鳳爪，所以一定要叫黎食。呢度嘅鳳爪係小食，但佢都算多，好足料好正！酸味好夠，我唔係太食得辣就覺得佢好辣，而且係有後勁嘅辣 😂，我個朋友係辣妹子，佢就覺得好正！蟹肉蕃茄撈檬 HKD96覺得蟹肉再加撈檬呢個配搭好吸引，決定試下。味道唔錯，好清新開胃，好啱夏天食。一定要讚嘅係佢超 多 蟹 肉 呀！！！！好正😍香茅班蘭青咖哩雞扒 HKD108呢個又係好好食！首先我個人比較鍾意食青咖哩，亦好愛班蘭嘅味道，真係冇諗過呢兩樣野會咁夾！個咖哩辣度啱啱好，有幾舊大大舊嘅雞扒，好足料。不過佢係冇跟飯嘅，所以我地加左個椰香飯。好椰好正！😋芒果糯米飯 HKD78賣相好靚～ 而且佢嘅份量好多，好大舊糯米飯同芒果。芒果都算甜，糯米飯軟林林同埋好香。加埋啲脆椰子片食會有唔同口感～泰國奶茶奶蓋 HKD42三色冰奶蓋 HKD48
我地叫左1個小食，2個主食同埋一定唔少得嘅經典泰式甜品－芒果糯米飯。不過佢啲野都幾大碟，應該多啲人一齊share食。
酸辣鳳爪沙律 HKD 66
我同朋友都好鍾意食泰式無骨鳳爪，所以一定要叫黎食。呢度嘅鳳爪係小食，但佢都算多，好足料好正！酸味好夠，我唔係太食得辣就覺得佢好辣，而且係有後勁嘅辣 😂，我個朋友係辣妹子，佢就覺得好正！
蟹肉蕃茄撈檬 HKD96
覺得蟹肉再加撈檬呢個配搭好吸引，決定試下。味道唔錯，好清新開胃，好啱夏天食。一定要讚嘅係佢超 多 蟹 肉 呀！！！！好正😍
香茅班蘭青咖哩雞扒 HKD108
呢個又係好好食！首先我個人比較鍾意食青咖哩，亦好愛班蘭嘅味道，真係冇諗過呢兩樣野會咁夾！個咖哩辣度啱啱好，有幾舊大大舊嘅雞扒，好足料。不過佢係冇跟飯嘅，所以我地加左個椰香飯。好椰好正！😋
芒果糯米飯 HKD78
賣相好靚～ 而且佢嘅份量好多，好大舊糯米飯同芒果。芒果都算甜，糯米飯軟林林同埋好香。加埋啲脆椰子片食會有唔同口感～
泰國奶茶奶蓋 HKD42
三色冰奶蓋 HKD48
呢度啲野飲都好好味呀😃😃
朋友叫左奶茶，我試左啖，唔會好甜，佢個奶蓋咸咸地，仲要好厚！！好啱奶茶控😂
我就叫左好多Openrice食評都介紹嘅龍鬚糖三色冰。佢唔係得個樣靚架！佢係真係好飲架！好香濃椰漿加埋甜甜地嘅龍鬚糖，除左正都唔知講咩好😆 鍾意椰味嘅人要試下～
張貼
