更多
2017-01-16
1466 瀏覽
MK 創興廣場係打邊放題嘅集中地，$1xx-$200 有交易，但咁多間入面其實質素好壞參半，咁點揀呢？去到創興門口正值裝修 望下水牌見到一間自稱台式鴛鴦窩新開，龍難我雖然唔算係台式火鍋專家，但係都有少少心得。一終入去試試佢係龍定蟲！首先講講湯底，都叫多選擇，除左一般都有得點嘅沙嗲 、清湯外，仲有台灣好出名嘅酸菜白肉、嗅嗅窩同埋麻辣窩，呢度嘅麻辣窩係叫海底撈麻辣窩係舖頭推介必食（印象中海底撈好似係大陸出名火窩店及後開分店至日本、新加坡、台灣等地）。咁既然推介得就試一試佢+嗅嗅窩啦！呢度嘅麻辣湯底係夠味，夠香，由於海底撈嘅關係，佢唔會話太辣太麻（可惜龍難我鍾意較辣）另外一邊嘅嗅嗅窩就在水準以下了，味道不像台式的那樣，可能要顧及到客人未必抵受得到那種味道😂食物方面真係多選擇似足台式吃到飽火窩咁，牛羊豬同海鮮都寫紙外，其他食物都係自助形式。講講牛肉先，係有3款 ，prime,choice同cab , 食開台灣火窩或任食邊爐都知其實打邊爐要食靚牛就散叫啦！不過呢間都算係咁喇，跟足台灣有幾款比人揀，而其他配料嚟，講比較特別嘅有麻糬、豬血糕、年糕、墨汁豬肉丸...款式大概40零款啦！而我嘅推介係食麻
去到創興門口正值裝修 望下水牌見到一間自稱台式鴛鴦窩新開，龍難我雖然唔算係台式火鍋專家，但係都有少少心得。一終入去試試佢係龍定蟲！
首先講講湯底，都叫多選擇，除左一般都有得點嘅沙嗲 、清湯外，仲有台灣好出名嘅酸菜白肉、嗅嗅窩同埋麻辣窩，呢度嘅麻辣窩係叫海底撈麻辣窩係舖頭推介必食（印象中海底撈好似係大陸出名火窩店及後開分店至日本、新加坡、台灣等地）。
咁既然推介得就試一試佢+嗅嗅窩啦！呢度嘅麻辣湯底係夠味，夠香，由於海底撈嘅關係，佢唔會話太辣太麻（可惜龍難我鍾意較辣）另外一邊嘅嗅嗅窩就在水準以下了，味道不像台式的那樣，可能要顧及到客人未必抵受得到那種味道😂
食物方面真係多選擇似足台式吃到飽火窩咁，牛羊豬同海鮮都寫紙外，其他食物都係自助形式。講講牛肉先，係有3款 ，prime,choice同cab , 食開台灣火窩或任食邊爐都知其實打邊爐要食靚牛就散叫啦！不過呢間都算係咁喇，跟足台灣有幾款比人揀，而其他配料嚟，講比較特別嘅有麻糬、豬血糕、年糕、墨汁豬肉丸...款式大概40零款啦！而我嘅推介係食麻辣三寶（牛肚、牛筋、大腸）外，就係貢丸同麻糬，提咗麻糬兩次就知正嘢啦！
飮品同甜品方面都係一般放題嘅選擇，可能新開未有酒牌，對於好酒的龍難有少少失望！不過，有個侍應推介咗兩款野飲比我，又有少少驚喜喎！就係沙冰同台式奶茶喇！沙冰基本上出面都少飲同有得買了，就算有都要$30-40杯，呢度竟然有得飲令我覺得搵番細個回憶出嚟，另外嘅台式奶茶呢，真係堅得值得推介，美中不足嘅係只得熱飲😛。甜品就有多款雪糕雪條，好似有1x款，加埋有自家制嘅啫喱杯同奶凍，都算有誠意。
因為我係23:00去食，所以一人都係$150到，任飲任食黎講其實都算係幾抵啦，餐廳格局同經營模式亦都似足台灣嘅吃到飽火窩店，喺MK 想打邊爐都會再去嘅！
（點解會係尋到寶？因為其實呢度最好味嘅竟然係喺香港好少食到咁似台灣古早味嘅肉燥蛋飯，如果去到記得食呀，真係覺得正!)
張貼
