更多
2020-05-18
99 瀏覽
同朋友喺旺角行完街，之後約老公一起吃晚飯。本來打算去呢座食廈樓上吃雞煲，不過有人話想試下 2 樓嗰間「泰屋」。電梯門一打開即見到幾尊佛像，經過屏風往內走便是用餐區。餐廳以一室蘋果綠色為主調，地方光猛開揚，空間感十足，近窗口嘅天花掛滿了綠色植物，環境寫意又有生氣，格調清新。餐牌印刷得很精美，簡潔清晰，而且好多款菜式都有相片可供參考；難得今日有人主動提出要食泰菜，所以點菜任務就一於交由他發辦。先來一客炭燒金沙骨 ($88)，金沙骨非常大件，燒得恰到好處，上桌時還傳出陣陣焦香。一啖咬落，肉質肥瘦均勻，既嫩滑又帶點油脂，肉汁滲透口腔，最正就係仲有骨啜，令人回味再三！接下來是泰式兩麵王 (牛) ($78)，兩麵王可以配豬、牛或雞，如果想配海鮮，就要另加 $10。麵條份量極多，大大碟，而且口感很不錯，外層香脆，內裡帶點濕嫩，有咬口得來又不太熱氣，加上有肉有菜有汁，非常美味！牛肉水準不俗，肉嫩得嚟又夠滑口，而配菜亦用料十足，有芥蘭、紅蘿蔔、西蘭花、椰菜花、玉米筍、草菇等，色彩鮮艷又營養豐富。泰式粉絲雜菜煲 ($78)，呢個雜菜煲做得好有誠意，放咗好多種蔬菜，好似芥蘭、紅蘿蔔，椰菜、玉米筍、紹菜、娃娃
同朋友喺旺角行完街，之後約老公一起吃晚飯。本來打算去呢座食廈樓上吃雞煲，不過有人話想試下 2 樓嗰間「泰屋」。
電梯門一打開即見到幾尊佛像，經過屏風往內走便是用餐區。餐廳以一室蘋果綠色為主調，地方光猛開揚，空間感十足，近窗口嘅天花掛滿了綠色植物，環境寫意又有生氣，格調清新。
餐牌印刷得很精美，簡潔清晰，而且好多款菜式都有相片可供參考；難得今日有人主動提出要食泰菜，所以點菜任務就一於交由他發辦。
先來一客炭燒金沙骨 ($88)，金沙骨非常大件，燒得恰到好處，上桌時還傳出陣陣焦香。一啖咬落，肉質肥瘦均勻，既嫩滑又帶點油脂，肉汁滲透口腔，最正就係仲有骨啜，令人回味再三！
接下來是泰式兩麵王 (牛) ($78)，兩麵王可以配豬、牛或雞，如果想配海鮮，就要另加 $10。麵條份量極多，大大碟，而且口感很不錯，外層香脆，內裡帶點濕嫩，有咬口得來又不太熱氣，加上有肉有菜有汁，非常美味！牛肉水準不俗，肉嫩得嚟又夠滑口，而配菜亦用料十足，有芥蘭、紅蘿蔔、西蘭花、椰菜花、玉米筍、草菇等，色彩鮮艷又營養豐富。
泰式粉絲雜菜煲 ($78)，呢個雜菜煲做得好有誠意，放咗好多種蔬菜，好似芥蘭、紅蘿蔔，椰菜、玉米筍、紹菜、娃娃菜、西蘭花等，超足料，另外仲有雞髀菇、靈芝菇、冬菇、草菇，吃起來清鮮又無浮油，好味又健康，絕對是筆者心水推介。
食完飯點兩個甜品試下，揀咗四式甜品碟 ($40) 同鮮雜果黑珍珠涼粉，四式甜有西米糕、蛋菜糕、芋頭糕同千層糕。椰汁西米糕椰汁味頗濃，入口香甜而不膩。蛋菜糕外表晶瑩剔透，食落冰涼清爽，散發著蛋香。芋頭糕充滿芋香；而千層糕就煙韌彈牙，令人吃得津津有味。
另外呢碗鮮雜果黑珍珠涼粉 ($30) 亦非常抵食，只是 $30，但份量足夠兩個人吃。涼粉面頭放滿了芒果、菠蘿、西瓜同珍珠粒，色彩繽紛，賣相吸引。幾款水果都很好吃，香甜又多汁，珍珠粒煙韌彈牙，而涼粉亦爽滑挺身，食完真係超滿足。
張貼
