有田和牛專門店 (水渠道) (已結業)

今日行過旺角， 咁依家疫情都仲係持續，咁我唯有要買外賣解決晚餐嘅問題， 行過呢一間日本外賣舖頭， 聞到浸香味， 咁決定試一試佢個實力。 其實門面都幾得意，因為有部外賣機去選擇你要嘅餐， 感覺上都幾似日本買拉麵部機。另外佢個set都包埋麵豉湯同沙律 ，咁我覺得都ok嘅，咁我同朋友就叫咗以下:MR.ARITA 華之盛丼: 咁個部位係牛(西冷, 肉眼同上後腰)， 其實呢一個餐當然最重要就係食過牛喇，呢一個餐其實係佢哋個主打 之一， 咁我就梗係試一試啦，咁其實佢個牛都幾鮮嫩，而且都幾滑， 肉質都幾彈牙， 咁其實佢包埋隻鮮雞蛋，咁我就比較鍾意將舊牛肉浸落個雞蛋度一齊食。Overall, 牛嘅質素我覺得都幾好。卵之極上和牛丼定食: 呢個好多我覺得賣相都幾靚，因為面頭上有我好鍾意食嘅雞蛋。牛肉嘅質素我覺得都唔錯，當然啦比起華之盛丼個質素會有啲分別。 因為個價錢都唔同， 自然肉嘅質素更加唔同。 不過呢個雞蛋我覺得味道就偏重味少少，所以鐘意濃味嘅人可能會鍾意D。最後我覺得如果買外賣嘅話， 佢啲外賣亦都唔錯嘅， 當然啦因為呢間主打外賣，所以佢嘅服務質素我覺得就還可以。 等餐時間可接受，因為見到佢真係即煮。