更多
2020-04-30
6335 瀏覽
因近期疫情關係好多人都發掘左做廚神嘅天份，甚至會去油麻地上海街一帶買工具，而市建局其實已重建旺角上海街600至626號共14幢唐樓為活化商場「618上海街」，進駐了本地特色小店和餐廳，例如人氣馬來西亞餐室蘇媽蘇媽，不過仲有另一個馬拉餐廳選擇💁🏻♀️由新加坡社企 Project Dignity 創辦的熟食中心，主打海南雞飯、喇沙咖喱、咖央多士等新加坡美食。熟食中心大部份員工係特殊人士，例如茶水檔由聾啞人士掌理，理念係通過技能培訓讓身體殘障人士可以自力更生，弱勢社群亦可堅強地生活 💪🏻客觀評論，其實小編食完覺得餐廳食物唔算特別出色價錢亦唔係特別平，尤其係依個價錢但採用自助形式，客人需要去唔同食物種類攤檔自取食物。不過當初真係純粹抱住支持社企嘅心態去幫襯，而且商場成層都用左餐廳，環境非常闊落，亦明白食物嘅價錢要用作舖租和員工人工。所以睇吓大家係抱住咩心態去食啦🥰.👓馬來椰漿飯配咖喱雞 $58跟傳統一樣配料有參峇醬、蛋、花生、小魚乾、青瓜。可惜椰漿飯完全唔夠椰漿味甚至唔太食得出。咖喱分別有一隻雞髀同雞胸肉，份量比較少薯仔都冇舊，雞肉好韌，咖喱係嗰種以辣油為主少椰漿奶味。評分：5.5/10👓喇沙
由新加坡社企 Project Dignity 創辦的熟食中心，主打海南雞飯、喇沙咖喱、咖央多士等新加坡美食。熟食中心大部份員工係特殊人士，例如茶水檔由聾啞人士掌理，理念係通過技能培訓讓身體殘障人士可以自力更生，弱勢社群亦可堅強地生活 💪🏻
客觀評論，其實小編食完覺得餐廳食物唔算特別出色價錢亦唔係特別平，尤其係依個價錢但採用自助形式，客人需要去唔同食物種類攤檔自取食物。不過當初真係純粹抱住支持社企嘅心態去幫襯，而且商場成層都用左餐廳，環境非常闊落，亦明白食物嘅價錢要用作舖租和員工人工。所以睇吓大家係抱住咩心態去食啦🥰
.
👓馬來椰漿飯配咖喱雞 $58
跟傳統一樣配料有參峇醬、蛋、花生、小魚乾、青瓜。可惜椰漿飯完全唔夠椰漿味甚至唔太食得出。咖喱分別有一隻雞髀同雞胸肉，份量比較少薯仔都冇舊，雞肉好韌，咖喱係嗰種以辣油為主少椰漿奶味。
評分：5.5/10
👓喇沙雞 $55喇沙湯底比較重辣味，反而唔太重椰漿味，我會比較鍾意重奶味嘅喇沙湯底🤧
採用慢煮原隻龍崗雞，雞肉肉質反而比咖喱雞好，較淋身冇甘韌。有一隻蛋和好多舊豆卜，配料算豐富。
平時食開嘅喇沙都係用油麵，不過依度同時有油麵和粉絲兩樣，真係跟足傳統嘅喇沙有驚喜，而且粉絲比較吸湯食落頗惹味。
評分：6/10
👓 咖央多士 $20多士烘得香脆嘅，但無論牛油或咖央都係太少料，好薄嘅一片，成個多士食落好薄身冇口感，相比下吐司工房個多士更厚身好食。
評分：6/10
👓恐龍美祿+$15正常嘅美祿飲品配上足量嘅美祿粉，中規中矩，但相比下都係吐司工房嘅恐龍美祿較多為出色。
評分：6/10
👓南洋咖啡 熱 +$8
反而幾好飲，唔算太濃咖啡味、有苦或酸味，奶味剛好唔會太淡，好容易入口。
評分：7/10
張貼
