更多
2021-06-10
115 瀏覽
餐廳主打大排檔菜式,裝潢充滿心思,用上紙皮石地磚、霓虹燈、舊式鐵花,更重現飛髮舖等懷舊店面,打卡一流~ ▪️黑松露鮮蝦多士 $28/件 (三件起)多士炸得 香口 酥脆 唔乾身!蝦肉彈牙,面頭有黑松露醬作點綴。沾上旁邊酸酸地嘅黑松露沙律醬,可以一解油膩感。果然越邪惡嘅野越好食~▪️紐西蘭蟶子皇 $58/隻 (兩隻起)可以揀蒸或者炒,而今次就揀左蒸~ 大大隻蟶子蒸得啱啱好,鮮甜彈牙。香蔥蒜蓉粉絲調味啱啱好,唔會蓋過蟶子嘅鮮味,撈飯一流。▪️鳳梨懷舊咕嚕肉 $108咕嚕肉裹滿酸酸甜甜嘅醬汁,炸皮唔會好厚,肉質紮實偏瘦,啱晒唔鍾意食肥膏嘅朋友。紅椒青椒黃椒非常爽口,不過唔鍾意佢陣青味嘅朋友仔就要小心啦。個人特別鍾意伴碟嘅鳳梨!多汁冇纖維,如果可以多幾舊鳳梨就好啦。▪️XO醬海鮮小炒皇 $108每次都好鍾意嗌配料豐富嘅小炒皇!韭菜爽口唔老,鮮蝦爽彈,魷魚唔韌,配上香脆白飯魚、蝦乾、腰果,口感同味道都好豐富~ 略嫌XO醬味偏淡,有啲唔夠惹味。▪️絲苗白飯 $12/碗整體嚟講,環境企企理理,坐得幾舒服,食物正常發揮,無一般嘅大排檔咁重口味,唔會食完好似要腎虧咁,不過就未必滿足到重口味人士~
▪️黑松露鮮蝦多士 $28/件 (三件起)
多士炸得 香口 酥脆 唔乾身!蝦肉彈牙,面頭有黑松露醬作點綴。沾上旁邊酸酸地嘅黑松露沙律醬,可以一解油膩感。果然越邪惡嘅野越好食~
▪️紐西蘭蟶子皇 $58/隻 (兩隻起)
50 瀏覽
0 讚好
0 留言
可以揀蒸或者炒,而今次就揀左蒸~
大大隻蟶子蒸得啱啱好,鮮甜彈牙。香蔥蒜蓉粉絲調味啱啱好,唔會蓋過蟶子嘅鮮味,撈飯一流。
▪️鳳梨懷舊咕嚕肉 $108
咕嚕肉裹滿酸酸甜甜嘅醬汁,炸皮唔會好厚,肉質紮實偏瘦,啱晒唔鍾意食肥膏嘅朋友。紅椒青椒黃椒非常爽口,不過唔鍾意佢陣青味嘅朋友仔就要小心啦。個人特別鍾意伴碟嘅鳳梨!多汁冇纖維,如果可以多幾舊鳳梨就好啦。
▪️XO醬海鮮小炒皇 $108
每次都好鍾意嗌配料豐富嘅小炒皇!韭菜爽口唔老,鮮蝦爽彈,魷魚唔韌,配上香脆白飯魚、蝦乾、腰果,口感同味道都好豐富~ 略嫌XO醬味偏淡,有啲唔夠惹味。
▪️絲苗白飯 $12/碗
整體嚟講,環境企企理理,坐得幾舒服,食物正常發揮,無一般嘅大排檔咁重口味,唔會食完好似要腎虧咁,不過就未必滿足到重口味人士~
張貼