更多
2020-12-27
366 瀏覽
首先，旺角區嘅冰室/茶記真係多到不得了，響條街都幾靜嘅時間，竟然仲有一間大嘅冰室要排隊，佢就係新開嘅四寶食堂！這新店佔地3,000呎，空間感大，很多牆身都以Tiffany blue為主色調同花牆，滿足一衆少女心。茄牛通常餐 $50實在太多選擇，花多眼亂，我哋首先點左蕃茄濃湯牛肉通粉，嚟嘅時候出曬煙，熱辣辣，舖滿剛剛熟嘅牛肉，蕃茄湯特別濃有微微嘅甜味，通粉有啲爽同彈牙, 配上生熟度剛好嘅嫩滑炒蛋，底部同蛋叫外圍都係剛熟一啲都唔老，中間就少少生，又香又滑，牛油多士嘅麵包質地同平時嘅質地有啲唔同，除咗密度較高之外，麵包嘅味道更香，奶茶茶底偏濃，而且好滑，有啲似“金x王“嘅味道，還相對易入口添！燒安格斯牛肉沙律配意大利黑醋汁 （$88）黑醋十分醇香，無論沙律菜定係安格斯牛肉嘅份量都大份，牛肉肉質鬆軟，係我哋都鍾意嘅近7成熟狀態,容易咬開,沙律菜十分新鮮比很多西餐廳還要新鮮而且帶種鮮甜嘅菜味，黑醋醇香味微酸甜十分醒胃。 奶茶雪糕紅豆冰 （跟餐加$15）成日好驚
首先，旺角區嘅冰室/茶記真係多到不得了，響條街都幾靜嘅時間，竟然仲有一間大嘅冰室要排隊，佢就係新開嘅四寶食堂！
這新店佔地3,000呎，空間感大，很多牆身都以Tiffany blue為主色調同花牆，滿足一衆少女心。
茄牛通常餐 $50
實在太多選擇，花多眼亂，我哋首先點左蕃茄濃湯牛肉通粉，嚟嘅時候出曬煙，熱辣辣，舖滿剛剛熟嘅牛肉，蕃茄湯特別濃有微微嘅甜味，通粉有啲爽同彈牙, 配上生熟度剛好嘅嫩滑炒蛋，底部同蛋叫外圍都係剛熟一啲都唔老，中間就少少生，又香又滑，牛油多士嘅麵包質地同平時嘅質地有啲唔同，除咗密度較高之外，麵包嘅味道更香，奶茶茶底偏濃，而且好滑，有啲似“金x王“嘅味道，還相對易入口添！
燒安格斯牛肉沙律配意大利黑醋汁 （$88）
黑醋十分醇香，無論沙律菜定係安格斯牛肉嘅份量都大份，牛肉肉質鬆軟，係我哋都鍾意嘅近7成熟狀態,容易咬開,沙律菜十分新鮮比很多西餐廳還要新鮮而且帶種鮮甜嘅
菜味，黑醋醇香味微酸甜十分醒胃。
奶茶雪糕紅豆冰 （跟餐加$15）
成日好驚茶餐廳嘅紅豆冰鬼死咁甜，呢度嘅紅豆絕對冇呢回事， 紅豆都很大粒有少少起身，紅豆冰本身已經香甜可口加上一球大雪糕令整件事昇華！
邪惡鹹蛋筍蝦忌廉意粉 （$98）雖然佢話呢個係邪惡鹹蛋，但係我覺得鹹蛋份量剛剛好，唔會太過份，鹹蛋醬在香滑彈牙嘅白汁意粉上面，一啲都唔膩（其實我覺得可以放多啲😅）,另外仲有黑松露同肉質新鮮嘅荀蝦，意粉份量多，好抵食.
雖然好飽，但見到啲甜品好吸引，所以都點左經典蘋果批，嚟到真係嘩出嚟，未食已經覺得好靚，蘋果批焗到香脆， 雖然個子少少，但裏面都有好多蘋果粒，清甜可口，
加埋旁邊嘅雪糕同朱古力食,就有著唔同嘅甜味響口中交盤旋，回味無窮！
我同朋友一餐晏晝，可謂超級滿足，每碟大大碟之餘無論外表同內涵都有質素，地點方便，又多打卡位，推介畀大家嚟試下！
張貼
