OPPA韓國燒肉店

營業中

休息中

好友今日想食燒肉，我地去左位於旺角洗衣街117號建煌華廈地舖的OPPA韓國燒肉店用膳，環境舒適，裝修雅緻，坐得舒服。我地點左個 牛氣沖天和牛拼盆 $458（超值價），韓式海鮮湯 $108，消暑兄弟的原隻菠蘿冰 $78。牛氣沖天和牛拼盆有齊和牛各部份，包括牛舌、牛頸脊、牛肉眼、上腦肉、背峰肉、下肩胛、上肩胛肉、及牛小排；店員在開左爐後，就倒入蛋漿製作泡菜蛋，爐熱後，我地一邊食燒肉，一邊食泡菜蛋（蛋味濃郁嫩滑）。韓式海鮮湯材料豐富，有蝦、蜆、八爪魚鬚及蔬菜，湯底鮮甜惹味；原隻菠蘿冰賣相吸引，有新鮮菠蘿肉，好好飲。