Wingman (已結業)

難得同朋友出旺角食晚餐，今次去試呢間雞翼餐廳～呢間餐廳有得揀放題同set menu，因為怕眼闊肚窄，所以最後都係食set。（但最後都係食唔晒🤣)Loads O’ Birds 雞 全部都係雞 $39824隻雞翼（4款口味）+ 2款配菜我哋揀的4款口味有：田園風味，水牛城醬，蜂蜜芥末，新加坡辣蟹配菜揀咗椰菜花沙律同烤哈羅米芝士4款雞翼我最鍾意蜂蜜芥末，佢的芥末係分開上，所以隻雞翼本身只係蜜糖雞翼，但呢隻蜜糖雞翼好好食，本身已經烤得好入味，再蘸少少dd🤏芥末，味道又甜又辣，好過癮！田園風味鹹左少少，但個皮烤得脆脆地，咬落好有口感。水牛城同新加坡辣蟹都真係幾辣，唔係幾頂得住，但個friend就話好好食好惹味。椰菜花沙律好岩我口味，裡面除左椰菜花，仲有核桃同蘋果，成個沙律味道偏甜，食落好fresh，食左辣雞翼之後即刻扒幾啖解辣🤣我同我個friend都唔知烤哈羅米芝士係乜，所以突登叫一份試吓，原來係烤到乾身的芝士。芝士食落鹹鹹地，仲食到表面有d香料味，口感少少似雞胸肉，配合埋蕃茄仔同石榴的甜味，口感非常豐富。飲品叫左凍檸茶同蔓越莓青檸梳打，蔓越莓青檸梳打味道酸酸地唔太甜，青檸味都幾濃，飲落好開胃。