部屋咖啡室

今日去左旺角行街，久違地入左呢間位於12樓既部屋咖啡室食晚飯。門口裝飾係萬聖節主題，都幾貼合黎緊既萬聖節。一入到去，所有店員都係年輕人，感覺都較親切。原本想試自家製手打牛肉漢堡，店員好有禮貌咁同我地講賣晒，試唔到有啲好可惜。不過唔緊要啦，最後我地就揀左個2人餐。辣虎蝦意粉，除左有隻大虎蝦，仲有青口同魷魚。意粉軟硬適中，配上少少辣既茄醬，酸中帶辣，十分開胃。BBQ pizza，pizza上面係雞肉同蘑菇，食落香脆。pizza底既厚度唔算厚，食完唔會好濟既感覺。炸蟹餅，十分彈牙，口感一流，配埋個酸甜醬，十分match。野飲叫左一個手沖冰波奶茶同一壺水果茶。冰波奶茶係杯入面有塊圓形由奶茶雪成既冰，沽左都唔會溝淡個奶茶原本既味。水果茶酸酸甜甜，入面仲加左薄荷葉，十分消暑。除左野食質素唔錯之外，呢度仲有啲書藉同玩具比人隨便借黎使用，可以話係放鬆既好地方，不失為同一班好友chill一chill既好選擇。