影片
更多
2017-08-06
114 瀏覽
今日男朋友咖喱包話要好好慶祝佢暫時遠離小人，所以要食好嘢，但係有人又冇一早諗好要食乜，臨急抱佛腳Ｒ爆頭嘅情況底下，最後決定試下有磯燒海鮮嘅放題。上網隨手用左「旺角 放題 磯燒」做關鍵字搜尋，就搵到呢間御．八幡屋日本料理。 去到旺角放題集中地兆萬中心地下，已經俾御．八幡屋個妹妹捉住左sell ．佢話御．八幡屋仲有好多位，可以坐得舒服啲，本來見到７：３０入場要$X1,1=每位要$305真係想打退堂鼓.........我地企喺街邊睇多兩篇食評見到質素幾好，個妹妹又話有位，我地就不虞有詐，開始闖入龍潭虎穴......上到三樓之後，先發現原來已經冇乜位，結果要坐喺門口動物園位同等位嘅人你眼望我眼咁食.......我地惟有進入一個超然嘅境界，對每對行過「欣賞」我地個磯燒爐嘅目光視若無睹啦。（點解我地會咁睇唔開接受呢個開放式飯枱......）呢度飲品係自己去雪櫃拎嘅，基本嘅可樂、Ｃ＋、烏龍茶都有嘅（仲有第一次見嘅鴻福堂檸檬茶），酒精類有hite啤酒同清酒，種類都算ＯＫ啦。等左一陣之後海鮮拼盤就出現啦。拼盤有大赤蝦、鮑魚、半殼扇貝同蟹蓋。如果之後再追加呢啲海鮮，就要加錢架啦。價錢可以參考返下面嘅點菜紙
去到旺角放題集中地兆萬中心地下，已經俾御．八幡屋個妹妹捉住左sell ．佢話御．八幡屋仲有好多位，可以坐得舒服啲，本來見到７：３０入場要$[228+50(磯燒所以要加)]X1,1=每位要$305真係想打退堂鼓.........我地企喺街邊睇多兩篇食評見到質素幾好，個妹妹又話有位，我地就不虞有詐，開始闖入龍潭虎穴......
上到三樓之後，先發現原來已經冇乜位，結果要坐喺門口動物園位同等位嘅人你眼望我眼咁食.......我地惟有進入一個超然嘅境界，對每對行過「欣賞」我地個磯燒爐嘅目光視若無睹啦。（點解我地會咁睇唔開接受呢個開放式飯枱......）
呢度飲品係自己去雪櫃拎嘅，基本嘅可樂、Ｃ＋、烏龍茶都有嘅（仲有第一次見嘅鴻福堂檸檬茶），酒精類有hite啤酒同清酒，種類都算ＯＫ啦。
等左一陣之後海鮮拼盤就出現啦。拼盤有大赤蝦、鮑魚、半殼扇貝同蟹蓋。如果之後再追加呢啲海鮮，就要加錢架啦。價錢可以參考返下面嘅點菜紙，在此不贅啦。
磯燒海鮮拼盤
5 瀏覽
0 讚好
0 留言
燒緊海鮮之際，我地就努力揀其他嘢食啦。點菜紙就有好多張，不過每樣嘅種類都唔係好多，第一輪揀野食主攻刺身，我地就緊係乜都劃哂啦哈哈
我地落左單之後等左好耐都冇嘢食（偷聽到店員話有啲枱一樣嘢都未黎過......），好彩我地有磯燒啲海鮮頂住先，先不至於喺度乾等......除左有一隻扇貝唔知點解黃黃地色好似萎縮左之外，呢個拼盤嘅海鮮都幾好味嘅。當中最出色係個蟹蓋，蟹肉撈埋啲沙律醬燒完之後好香。扇貝就真係冇乜味啦.......
磯燒海鮮拼盤
7 瀏覽
0 讚好
0 留言
之後可以任叫嘅海鮮都黎左，唔洗加錢嘅選擇得５樣，基本上我地都全部叫哂。海蝦同青口都還可以嘅，蟶子由於比較細隻，所以都食唔出係咩味......生蠔嘅質素真係比較差，食落感覺唔太新鮮。清酒煮硯就由頭到尾都冇出現過。
可以任叫嘅海鮮
3 瀏覽
0 讚好
0 留言
可以任叫嘅海鮮
6 瀏覽
0 讚好
0 留言
望穿秋水，第一輪落嘅單終於黎左４成左右。啲刺身都冇乜鮮味，除左三文魚比較好食之外，其他都乏善可陳......而吞拿魚就更加可一不可再，真係一啲魚味都冇！！！（樂觀啲諗可能冇味好過有味）連號稱食物清道夫嘅我，都冇辦法掃哂佢落肚......
刺身
4 瀏覽
0 讚好
0 留言
食開放題都慣左俾人漏單架啦，所以都係再落單算啦。之後再落嘅嘢食基本上都黎齊，由於刺身真係唔太好食，我地呢輪主要食壽司同熟食。
雖然舊壽司一夾就散同火炙到啲飯都燶埋，壽司中火炙三文魚腩同火炙汁燒左口魚裙邊算幾好食架啦！最尾都有encore左兩件。
8 瀏覽
0 讚好
0 留言
火炙汁燒左口魚裙邊壽司
3 瀏覽
0 讚好
0 留言
海膽幾好食，起碼唔苦唔腥，紫菜就一如所料唔脆嘅......不過手卷有咁多飯咁飽肚，所以食左一件就冇再食啦。
海膽手卷
1 瀏覽
0 讚好
0 留言
赤貝味道都OK，但海膽赤蝦真係一啲味都冇，好失望。
赤蝦海膽壽司同赤貝壽司
2 瀏覽
0 讚好
0 留言
辣汁煮螺味道都唔錯，只係啲汁有啲似韓國辛辣麵嘅湯汁。
辣汁煮螺
4 瀏覽
0 讚好
0 留言
而家大部分放題都有小蕃薯，幾甜幾好食，我食左兩串架！燒冬菇一串有兩隻，我食左一舊先記得影相。不過燒冬菇普普通通，冇乜香味。
燒羊架都幾好味，啲肉夠淋同有羊味。（好味嘅嘢多數食左先醒起冇影相）本來話咬一啖就分俾咖喱包食.....點知因為啲肉好淋，我一啖就咬哂成舊肉出黎......我惟有獨食啦。
最後就食埋甜品同炸物。榴槤炸彈同香芋丸都幾好食，熱辣辣係無得輸嘅。櫻花奶凍同楊枝金露都唔錯，算係成餐入面幾滿意架啦。後面仲有舊隱藏嘅西瓜，同酒樓果盤差唔多味啦。甜品其實仲有可以自己去雪櫃拎嘅雀巢雪糕同牛奶樂雪條，不過已經飽飽就冇再食啦。
榴槤炸彈同香芋丸
6 瀏覽
0 讚好
0 留言
櫻花奶凍、楊枝金露同時令生果
3 瀏覽
0 讚好
0 留言
臨食完先黎嘅帶子裙邊，本來想食埋佢，不過真係太咸啦！為左腎臟健康着想，惟有做一次大嘥鬼......
帶子裙邊
9 瀏覽
0 讚好
0 留言
總括而言，食物質素真係比較低，以過三百大洋一位黎講，真係唔值。如果大概二百蚊一位，先叫可以接受。我地坐喺門口動物園位，見到不停有人喺度等位，真係心諗，旺角真係多勇士，咁多人黎闖呢個龍潭虎穴......
惟一值得一讚嘅係店員嘅態度都好好，好有耐性咁教我地呢啲燒海鮮生手點燒啲海鮮，有一個男店員喺我地每次講唔該嘅時候都會話唔洗客氣應該嘅，見佢地不停傳菜同俾人追啲野食，都保持到好嘅態度，真係值得一讚。
由於呢篇食評俾左個喊樣，相信都唔會排得咁前。如果你有幸睇到呢篇食評，希望可以幫到你下英明嘅決定......
張貼
