WOFT

營業中

休息中

同個朋友喺旺角試咗呢間有好多手工啤揀嘅餐廳，我哋叫咗三隻手工啤，本人最鍾意就係台灣蜜糖味手工啤。啱女仔飲，蜜糖味超重，酒精唔高，到港女嗰支就麻麻哋，比較辛辣但係回甘味好龍。另外仲有一支，叫做紅玉，個味都唔差有好濃郁嘅花果香，雖然冇台灣啤咁甜但係佢酒精濃度再低少少飲多一次都冇問題。之後重點咗好特別嘅黑松露醬芝士夾餅，個賣相唔討好但係啲芝士同黑松露醬流出黎好好食，另外叫咗一個個名好長我都唔記得咗嘅意粉，記得係有大蝦嘅，個意粉質地煮得好彈牙，蝦都有好多隻，醬唔算太乾亦都唔算太過濃，食完會有口渴嘅感覺。甜品我哋叫咗棉花糖配餅乾，雖然唔係啲乜嘢新口味但係我欣賞棉花糖底下係有朱古力同埋香蕉，唔係剩係得棉花糖，再夾埋餅乾就啱啱好，鍾意食甜嘅人就一定要掂呢一個。下次嚟我都會想試吓食埋水煙，貪佢唔使坐出面街，坐喺裏面但係近窗位都可以食到水煙，咁就唔會怕太熱了。