更多
2023-02-10
1667 瀏覽
《初見 - 旺角》旺角真係好多好野食，以前喺朗豪坊番工時，成日都會同同事喺lunch time 同下午茶時鼠落去搵好野食🤭其中有間價錢實惠又幾好質素既日式餐廳，正正喺朗豪坊轉入上海街果邊位置好易搵，成日都大排長龍架😏前幾日同個舊同事約左收工後見，我就帶咗佢去旺角嘅呢一間日式餐廳食吉列牛🤭兩個人叫咗一個小食同埋一個主食，埋單都係$200左右炸，超抵🥰💁🏻♀️初見邪惡炸薯條 $58朋友鍾意食粗嘅薯條，而我就比較鍾意幼薯條，不過鋪滿左鹹蛋黃醬同鹹蛋黃碎嘅薯條我相信冇人唔鍾意既🫶🏻以$58黎講，呢個份量又真係無得彈既😉與其話佢係薯條，其實更似係薯角多啲，食落都幾脆口，入面個心就比較軟糯🥹個人覺得，如果佢用幼薯條整就好啦💁🏻♀️初見香草吉列牛 +$8轉讚岐烏冬 $146主菜終於黎啦，食左好多薯條🍟其實都真係有少少飽架，所以我地個跟餐白飯加左錢轉做濕濕地既烏冬，個湯底係傳統既豬骨湯，烏冬口感偏向滑口爽身既，一碗夠我地兩個女仔share 啦😎而香草吉列牛面層就綠色既香草炸漿包裹住，食落唔算好勁香草味，做法其實都好簡單，只要將牛扒放上熱辣辣既石爐上，每邊煎十幾秒就食得，睇得又玩得😏總括黎講，呢間餐廳普
旺角真係好多好野食，以前喺朗豪坊番工時，成日都會同同事喺lunch time 同下午茶時鼠落去搵好野食🤭其中有間價錢實惠又幾好質素既日式餐廳，正正喺朗豪坊轉入上海街果邊位置好易搵，成日都大排長龍架😏前幾日同個舊同事約左收工後見，我就帶咗佢去旺角嘅呢一間日式餐廳食吉列牛🤭兩個人叫咗一個小食同埋一個主食，埋單都係$200左右炸，超抵🥰
💁🏻♀️初見邪惡炸薯條 $58
朋友鍾意食粗嘅薯條，而我就比較鍾意幼薯條，不過鋪滿左鹹蛋黃醬同鹹蛋黃碎嘅薯條我相信冇人唔鍾意既🫶🏻以$58黎講，呢個份量又真係無得彈既😉與其話佢係薯條，其實更似係薯角多啲，食落都幾脆口，入面個心就比較軟糯🥹個人覺得，如果佢用幼薯條整就好啦
💁🏻♀️初見香草吉列牛 +$8轉讚岐烏冬 $146
主菜終於黎啦，食左好多薯條🍟其實都真係有少少飽架，所以我地個跟餐白飯加左錢轉做濕濕地既烏冬，個湯底係傳統既豬骨湯，烏冬口感偏向滑口爽身既，一碗夠我地兩個女仔share 啦😎而香草吉列牛面層就綠色既香草炸漿包裹住，食落唔算好勁香草味，做法其實都好簡單，只要將牛扒放上熱辣辣既石爐上，每邊煎十幾秒就食得，睇得又玩得😏
總括黎講，呢間餐廳普遍既菜式都係平而大份，人均$120都已經可以試到不少菜式，不過店舖內位置較少，我地食到咁上下，出面就已經有幾批人排隊等位，睇黎人氣都唔差呢
張貼
