和藏桂林夜市 (已結業)

平時去開旺角掃街，想食滷味嘅語就一定會搵肥姐，不過每次都會見到大排長龍，懶人表示有時又唔係咁想排隊，特別係趕住去睇戲嘅時候，就更加難搞～無意之中畀我發現咗呢間滷味店，招牌都幾搶眼，但係就無乜人幫襯，就抱住試伏嘅心態，買咗一個滷味拼盤嚟試下。拼盤同樣有大生腸、火雞腎同埋墨魚，食落都好爽口，無乜異味，而我就特別鍾意大生腸！值得一提嘅係，佢嘅麻油同蠔油都好香，老闆娘就話係因為用咗李錦記，果然係一分錢一分貨～唔想大排長龍嘅朋友，不妨試試佢！