川辣皇 (已結業)

旺角新開左間川菜，裝修光猛整潔又坐得舒服。6pm 前嚟仲有午餐或下午茶供應，價錢仲平d。😭遲左一步，唯有試下晚市，其實都唔貴，$98就有一人四餸干鍋，份量都唔少😆仲包埋熱飲，免收加一。孜然羊肉客飯$78配白飯及熱飲孜然醬汁好惹味，仲有大量菇菌配搭。香辣干鍋 （4餸）$98配一碗白飯，凍檸茶+$3香辣鍋底，選左坊間少有嘅牛蛙，肉質新鮮啖啖肉、豬頸肉有咬口、金錢肚爽口彈牙、炸蓮藕片爽脆入味。樣樣炒得入味，撈飯一流👍🏻夫妻肺片$62比我想像中無咁辣，帶少少麻，有齊牛𦟌、金錢肚、雞腎。