富士山模板脆脆薯條沙律 : 依個薯蓉超級好食，有煙肉脆脆，又有D薯片脆脆，食完想再食一D都唔漏。
三品刺身盛盒 : 每一塊刺身都係厚切，好新鮮，好有魚油香。
A4和牛海膽反卷 : A4和牛真係唔同，食落唔騷，好重牛味，配搭得剛好。
芝麻雞翼:即叫即炸，脆得黎仲保留到肉汁。
壽喜燒+野菜豆腐拚盤 : 真正日本既A4和牛，雖然得3塊，但每一塊都係高質同好大塊合共150G，每一塊油脂都好豐富，再用店家自家黃金比例調配既壽喜燒汁配來食，十分一流，滿滿牛香。
燒乳酪年糕:燒得香脆既年糕入面包住溶左既芝士，開頭以為會好漏，但配埋甜奶食又中和左個好漏感覺。
奇異果骨折梳打 : 幾特別，外面都少見同類型飲品。
#壽喜燒#旺角#日式#美食#FOOFIE#HKFOODIE#刺身
