粗店燒烤 (已結業)

放工經過旺角見到新開左一間食串燒既鋪頭～就決定入去試下啦餐廳環境幾整潔，空間闊落，有別於其它既串燒餐廳。餐牌選擇豐富，除左有串燒之外仲有其他小食等等！餐具都好細心～可以好方便咁點調味料依個盤下面係有微火的，可以保持住串燒既熱度！非常有用！！我就叫左一杯Suntory既生啤飲～配合食串燒真係無得頂呀！首先上左一道卜卜蜆，蜆肉好大粒，食落有好香既牛油及其他調味，但依然食得出佢既鮮甜呢！雞腎串燒好爽口，調味足夠所以好惹味！雞皮串燒油脂豐富～食落口好脆！再飲啖啤酒真係爽呀！烤扇貝真係必食呀！蒜香味十足，扇貝又新鮮彈牙，入口好鮮甜多汁～粉絲入晒味亦都好好味！食咁多肉都要食返Ｄ蔬菜既～娃娃菜就正常發揮啦！都係果句，新鮮同充滿蒜香味。最後仲叫多左３串串燒，分別係豬牛羊每一款串燒都好好味！肉質嫩滑完全唔會鞋，而且調味亦都好足夠經過旺角既朋友不仿一試，食串燒既好地方呢！