OPPA韓國燒肉店

營業中

休息中

今次想介紹呢間旺角老字號韓式燒肉店，佢哋而家營業時間仲會去到凌晨兩點！想食吓宵夜嘅朋友非常推薦呢間。入到餐廳已經好似去咗韓國咁樣，仲會播K-Pop，氣氛一啲都唔差。先會有韓式伴菜:泡菜、大豆芽菜、紫菜和酸蘿蔔，而且無限添加先係重點！而且店員會喺鐵板上面整爐邊蛋，我第一次食，但都覺得好好味。例牌要食嘅一定係呢個牛氣沖天和牛拼盤，分別有美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、1++轉牛肉眼、澳洲和牛頸脊同澳洲和牛舌。肉質同味道一啲都唔差。韓式海鮮湯，入面非常足料。湯底偏辣，建議食得辣嘅朋友先點。另外仲叫咗韓式部隊飯。份量十足。店員仲會即場整埋俾我哋。酸酸甜甜非常推介！唔夠飽建議食埋呢個。