影片
更多
2006-01-09
5 瀏覽
前幾晚去新世紀睇戲，睇完都已經十點幾，o係旺角行呀行呀唔知食mud好，突然諗起有人話過呢度D食物同環境都幾好，但係又唔係好記得間野個位置o係邊，所以就決定上好景搵下。原來間野又的確幾隱蔽。兩個人叫左炸魷魚圈、煙三文魚蟹籽天使麵，芒果雪泡同玫瑰紅茶。先上芒果雪泡，都幾滑，酸酸地咁幾清，不過芒果味就唔係好出。之後上玫瑰紅茶同炸魷魚圈，個侍應竟然唔記得畀醬(點魷魚圈用)同埋spoon(攪勻D糖落紅茶度用)畀我地，要叫佢拎。炸魷魚圈好脆，但係粉漿超厚，D魷魚就超細。最後上煙三文魚蟹籽天使麵，煙三文魚都幾多，唔會好似有D餐廳咁落幾粒切到好碎好碎既煙三文魚就當係，呢樣做得幾好。同埋佢D煙三文魚同一般食開既有D唔同，佢應該唔係煙左好耐，因為都唔係好大陣煙燻味同埋都幾滑。蟹籽係超細粒o個D，而且幾有咬口。天使麵好creamy，D sauce亦幾香幾滑，成個dish都做得好好。不過我就反而覺得佢D裝修好一般，冇大家講到咁有feel咁靚。佢最特別既就係用黎分隔兩邊既牆身畫左D公仔，同埋玻璃既流水景，其他野都睇得出係有少少求其，周圍既裝修都唔太有特色，頭先話就話係牆，其實只係一大塊板，張枱都有D應該係裝修o
兩個人叫左炸魷魚圈、煙三文魚蟹籽天使麵，芒果雪泡同玫瑰紅茶。先上芒果雪泡，都幾滑，酸酸地咁幾清，不過芒果味就唔係好出。之後上玫瑰紅茶同炸魷魚圈，個侍應竟然唔記得畀醬(點魷魚圈用)同埋spoon(攪勻D糖落紅茶度用)畀我地，要叫佢拎。炸魷魚圈好脆，但係粉漿超厚，D魷魚就超細。最後上煙三文魚蟹籽天使麵，煙三文魚都幾多，唔會好似有D餐廳咁落幾粒切到好碎好碎既煙三文魚就當係，呢樣做得幾好。同埋佢D煙三文魚同一般食開既有D唔同，佢應該唔係煙左好耐，因為都唔係好大陣煙燻味同埋都幾滑。蟹籽係超細粒o個D，而且幾有咬口。天使麵好creamy，D sauce亦幾香幾滑，成個dish都做得好好。
不過我就反而覺得佢D裝修好一般，冇大家講到咁有feel咁靚。佢最特別既就係用黎分隔兩邊既牆身畫左D公仔，同埋玻璃既流水景，其他野都睇得出係有少少求其，周圍既裝修都唔太有特色，頭先話就話係牆，其實只係一大塊板，張枱都有D應該係裝修o個陣留低既污跡，雖然我唔知其他枱有冇，不過一張半張有其實都已經令人扣分。至於嘈雜度就同其他位於旺角既cafe差唔多。雖然我覺得裝修麻麻，不過就唔會話好狹窄，D侍應都好有禮貌，而且D食物我都幾滿意，再加上佢係o係旺角既cafe，所以我覺得如果大家去開旺角想搵樓上cafe，呢間都係不錯既選擇。
張貼
