影片
更多
2020-05-28
193 瀏覽
今晚黎到旺中帶靜嘅23樓高空西餐廳，日頭有藍天白雲，黃昏可以睇日落，而夜晚就只見到好似漆黑中嘅螢火蟲一樣嘅西洋菜街，不過餐廳氣氛唔錯，燈光柔和，餐枱沿窗邊擺放，唔會左右都有枱咁逼，傾計自在得多，最正嘅就係播放Dreams等等90年代經典英文歌，簡直係遇到知音。點完菜之後，好快就有餐包食，熱熱地幾軟熟，香草牛油幼滑好香。🍴美國特級安格斯熟成西冷扒（10安士） HK$450素聞餐廳自設熟成肉櫃，供應乾式熟成牛扒，咁岩我從未試過乾式熟成牛扒，只聽過同事讚到人間極品咁正，見價錢都唔算貴，所以小試牛刀叫廚房切10安士黎食下。西冷叫左Medium Rare，表面燒得唔錯，切開夠晒粉嫩，U.S. Prime牛扒本身質素上乘，熟成30日後肉質好幼嫩，脫水後肉味的確比普通牛扒更濃更突出，美中不足嘅係牛扒唔夠熱，可能燒完擺得太耐先上枱，但都算好食，希望日後有機會食到更正嘅熟成牛扒。🍴烤緬因州龍蝦尾伴牛肝菌龍蝦汁扁意粉 HK$198龍蝦尾只得一件，唔算大件，勝在爽甜彈牙。牛肝菌份量都幾多，獨特菌香頗濃，亦幾爽滑。呢道菜嘅精華就係龍蝦汁，非常濃厚，同al dente嘅扁意粉融為一體，濃到以為意粉係由龍蝦汁製成
今晚黎到旺中帶靜嘅23樓高空西餐廳，日頭有藍天白雲，黃昏可以睇日落，而夜晚就只見到好似漆黑中嘅螢火蟲一樣嘅西洋菜街，不過餐廳氣氛唔錯，燈光柔和，餐枱沿窗邊擺放，唔會左右都有枱咁逼，傾計自在得多，最正嘅就係播放Dreams等等90年代經典英文歌，簡直係遇到知音。點完菜之後，好快就有餐包食，熱熱地幾軟熟，香草牛油幼滑好香。
🍴美國特級安格斯熟成西冷扒（10安士） HK$450
素聞餐廳自設熟成肉櫃，供應乾式熟成牛扒，咁岩我從未試過乾式熟成牛扒，只聽過同事讚到人間極品咁正，見價錢都唔算貴，所以小試牛刀叫廚房切10安士黎食下。西冷叫左Medium Rare，表面燒得唔錯，切開夠晒粉嫩，U.S. Prime牛扒本身質素上乘，熟成30日後肉質好幼嫩，脫水後肉味的確比普通牛扒更濃更突出，美中不足嘅係牛扒唔夠熱，可能燒完擺得太耐先上枱，但都算好食，希望日後有機會食到更正嘅熟成牛扒。
🍴烤緬因州龍蝦尾伴牛肝菌龍蝦汁扁意粉 HK$198
龍蝦尾只得一件，唔算大件，勝在爽甜彈牙。牛肝菌份量都幾多，獨特菌香頗濃，亦幾爽滑。呢道菜嘅精華就係龍蝦汁，非常濃厚，同al dente嘅扁意粉融為一體，濃到以為意粉係由龍蝦汁製成添。
🍴Bellevue安格斯牛肉漢堡 HK$168
麵包烘得夠脆，漢堡扒肉味十足，保持到肉汁，番茄同生菜都新鮮爽脆，煙肉炸脆d會更好，可惜嘅係煎蛋過熟無流汁。
📍Bellevue Bar and Grill
旺角彌敦道558-560號譽發廣場23樓
張貼
