草民 (已結業)

今次選擇左係旺區入面嘅尖沙咀同男朋友慶祝生日，其實草民呢個地方之前已經係網上見過，睇到佢嘅賣點係有草地同有屋仔嘅佈置，同埋今次黎主要係想試吓佢地出名嘅草地滾球嘅甜品。因為我地今次都係比較早去，大約6:30就到左，去到當時都幾靜，都係得2,3枱客到左，氣氛都幾好，望住啲綠色嘅裝飾同植物，都令到個人平靜同舒服左。接下來我地開始點餐，我地點左卡邦尼溫泉蛋意粉同埋牛油果脆片，我地將蛋汁撈入去啲意粉入面好好食，2個人食都唔會覺得太膩，而個脆片夠熱可口。去到7:30左右開始多客，有啲客如果walk in入都有機會冇枱，所以都提議早幾日預先book枱或者早小小入黎食。食左主食，當然係唔小得今晚嘅重點甜品出場啦，我地就揀左呢度嘅特色甜品，脆爆草地滾球(靜靜雞同店員講係慶祝生日，俾左個名佢地就識做)，之後佢地仲好好咁寫埋字同埋點蠟蠟，男朋友見到都好開心。個滾球整得好靚，開頭都唔捨得揼爛佢，入面有雪糕，味道都好特別，值得一試。同埋，呢度就算食完都唔會趕人走，所以都係一個好適合大家相聚嘅好地方。