八麵玲瓏 (已結業)

約左朋友行山, 行之前先去食早餐, 搭車對面最多選擇, 就揀左呢間八麵玲瓏, 因為之前食過米線都OK.早餐就同夜晚米線果D唔同, 早餐都好一般茶餐廳款式, 所以要左炸菜肉絲米線.個湯好油, 定唔知因為D炸菜, 炸菜唔辣無咩味, 少少肉絲, 而米線唔算太腍, 幾爽口, 份量適中.跟餐仲有餐肉蛋, 跟多士, 多士即烘, 夠脆夠熱. 餐肉厚薄一般, 不過唔會太咸. 整體都好正常.跟餐熱奶茶, 茶味唔算濃, 不過算夠滑, 提神.