金銘潮州粉麵餐廳 (已結業)

我之前係油麻地食金銘粉麵，依家係深水埗開左又近自己，咁就要試下啦。見門外個餐牌價錢比出面貴少少，基本沙牛麵連熱飲就$30，但額外要方包同蛋/腸個d都要加$10，咁過得黎咪試下啦。叫左2餸粉麵餐(揀左墨魚丸同魚片頭) + 熱檸茶，一共$38。熱檸菜正常，墨魚丸平平無奇，魚片頭出奇地好味，食落有魚味同食得出係手打，唔係出面係急凍貨。最正嘅檯面有潮州冬菜任「筆」，加左粉麵到真係正好多。雖然價錢貴少少，不過都會有下次。