影片
更多
2025-07-10
255 瀏覽
沙田「國穗軒」點心飲茶今朝同朋友去咗沙田帝都嘅「國穗軒」飲早茶，新開張，環境乾淨企理，坐得舒服，服務都算快手，侍應有笑容，（反而reception 有點黑面）。適合假日同屋企人或者朋友慢慢嘆茶食點心。 我哋點咗幾款點心，整體水準唔錯，尤其係「蝦餃皇2粒」同「蟹子鮮蝦燒賣皇2粒」，每款$19.80，兩款都係餡料飽滿，蝦肉彈牙，熱呼呼！平日1至5，11點半前有早茶，必叫醒神孖寶。「金銀蛋瘦肉粥」，粥底煲得綿滑，金銀蛋（皮蛋同鹹蛋）同瘦肉份量足，味道鮮甜，早餐食碗熱粥真係好滿足！「鹹水角」、「上湯鮮竹卷」同「蒜香鮮蝦春卷」，30幾2款。 茶錢每人$14，價錢偏平，性價比高、唯一不足洗手間較細。如果想喺沙田搵間坐得舒服，點心質素唔錯嘅茶樓，呢度係個好選擇！
今朝同朋友去咗沙田帝都嘅「國穗軒」飲早茶，新開張，環境乾淨企理，坐得舒服，服務都算快手，侍應有笑容，（反而reception 有點黑面）。適合假日同屋企人或者朋友慢慢嘆茶食點心。
我哋點咗幾款點心，整體水準唔錯，尤其係「蝦餃皇2粒」同「蟹子鮮蝦燒賣皇2粒」，每款$19.80，兩款都係餡料飽滿，蝦肉彈牙，熱呼呼！
平日1至5，11點半前有早茶，必叫醒神孖寶。
「金銀蛋瘦肉粥」，粥底煲得綿滑，金銀蛋（皮蛋同鹹蛋）同瘦肉份量足，味道鮮甜，早餐食碗熱粥真係好滿足！「鹹水角」、「上湯鮮竹卷」同「蒜香鮮蝦春卷」，30幾2款。
茶錢每人$14，價錢偏平，性價比高、唯一不足洗手間較細。如果想喺沙田搵間坐得舒服，點心質素唔錯嘅茶樓，呢度係個好選擇！
張貼
