Green Orange

琴晚係中環接個朋友夜晚去食飯 行黎行去都睇唔岩 之後行下行下去左上環 我朋友用電話係openrice search到呢間餐廳睇相好似幾好咁 之後我地就入左黎一入到去個感覺好好 d燈飾好靚 同埋好有格調個經理都好有禮貌咁帶我地坐去窗口既靚位 咁我地之後就叫左個鵝肝醬闊條麵 同埋煎白鱈魚 兩樣都好高質 個鵝肝醬好有同好香 麵質靚 軟硬程度岩岩好另外個煎白鱈魚就煎得好香同埋好有鮮味最後我地就叫左個雲呢拿雪糕酥盒 d雪糕都好好味總括黎講 呢間餐廳好食又有氣氛 價錢又唔算貴 可以再戰