Oyster Princess (已結業)

最近經過杏花邨，發現新開咗一間食生蠔既餐廳，今次lunch就去試試佢。門口已經見到都有好大個生蠔櫃同冷藏櫃，另外亦有lunch menu同其他嘢食既menu，價錢都唔太貴。嗌咗半打愛爾蘭生蠔，都只係$190，價錢都ok，生蠔幾滑，仲有啲海水味道。同朋友都各嗌咗午餐既丼飯，除咗主食，仲會附送埋沙律菜同麵豉湯，食物都幾齊全。沙律菜，幾新鮮。麵豉湯，幾濃味，唔錯。我叫既三文魚親子丼($68)，飯同魚生既比例啱啱好，三文魚籽好有鮮味。朋友叫既火炙三文魚丼($68)，連埋沙律醬食幾creamy，唔錯。我地再另外散叫咗啲壽司，有三文魚腩壽司($25)、油甘魚腩壽司($25)同埋三文魚籽軍艦，食落去都幾鮮甜($28)。