喫茶ちょうぼ

營業中

休息中

之前去開大埔已經常見到呢間餐廳要排長龍一路心郁郁想去試吓今日終於有機會啦！芫荽青醬蝦意粉用上扁意粉配搭青醬味非常之濃郁但係食落就冇乜芫荽味，盡量都非常之多而且隻開邊大蝦仲係大大隻好厚肉Tim ！南蠻炸雞炸雞配上酸甜醬，食落好開胃以及仲有啲沙律醬配搭埋旁邊的椰菜絲食可以減低油膩感。日式紅酒燉牛肉蛋包飯一上枱時應會先問你需唔需要影相先幫你切開個蛋再淋上醬汁非常之貼心啊！啲滑蛋包裹住啲炒飯真係非常好食！啲牛肉炆得夠軟淋，而且好入味添。小倉紅豆牛油多士厚身嘅多士上面鋪滿紅豆同埋有塊邪惡牛油，紅豆既甜度適中，識落甜甜地帶有少少鹹味，牛油配上紅豆估唔到有幾夾喎。日式布甸布甸口感滑身，食埋呢個甜品真係非常滿足。難怪呢間餐廳經常排長龍因為入邊嘅裝修真係好靚而且價錢相對便宜份量都足夠，下次真係要再嚟試吓其他嘢食先得。