杣‧YASHIMA

營業中

休息中

店舖裝修是京都庭園風格，坐位不多但空間感十足，每席所佔位置濶落，可以好舒適咁睇住師父用心準備菜式。洗手間亦配備日式智能馬桶。整體感覺十分舒適優雅。好鍾意睇住師父用心噤準備食物！特別提一提海膽杯-北海道海膽加上紫蘇花點綴與食材配合簡直是一種視覺享受。海膽味道濃郁，一定要慢慢品嚐。有特色嘅日式醬油蟹！用日本燒酒，蔥，蒜醃制嘅日本渡蟹蟹膏飽滿，蟹肉鮮甜仲，正！九繪魚是日本高級褐石班魚，魚肉顏色非常雪白，魚味濃郁，口感煙韌，油脂含量剛好，再配上酸汁醋，更有層次。壽司有墨魚，金目鯛、鯖魚、牡丹蝦、象拔蚌、石門鯛，仲有青森大澗拖羅!款款鮮味，特別鐘意金目鯛輕輕炙過帶出魚油香，仲有象拔蚌入口嘅鮮甜仲有爽脆感~最後當然係令人回味嘅青森大澗拖羅，入口一咬滿口油香，非常鮮甜~ 日籍師傅手勢非常好，每口壽司飯無論份量或鬆實度剛好，可見其功架!最後仲有海膽！輕燒過嘅紫菜特別香脆，客人可自行捲成海膽飯團或用小羹進食！每一道菜都令人眼前一亮。最後，三種甜品，擺盤非常靚，有靜岡縣哈密瓜，奶凍，燉蛋。密瓜甜度夠，水份足，奶凍同燉蛋都非常滑，為今晚劃上完美嘅句號。