瀛豐放題料理專門店

日式放題食嚟食去都係嗰幾間，今次搵到間位於銅鑼灣京都廣場內嘅，主打日、港、川、泰國料理。午市三小時，晚市就兩小時，不過老闆都好好，唔會好似出邊嗰啲一夠鐘就趕客，價格親民，地點方便，適合約一大班朋友仔嚟Happy。必點之選有極品海鮮拼盤，賣相精緻，集合多種新鮮刺身同海鮮，大大塊，啖啖肉，入口鮮甜美味，值得加點。海膽帶子同樣出色，滑溜滑溜，絕對係回本Item。壽司、軍艦、火灸、捲物、手捲都有好多選擇，嚿飯唔算好大，所以都OK。沙律、涼菜、燒物、炸物、炒粉麵飯全部即叫即整需要等候一段時間。印象深刻而有Encore嘅包括大蝦天婦羅、炸榴槤波、芝士年糕、燒元貝、燒蠔、燒菠蘿、炒菜、肉碎包、燒汁雞丁、三文魚湯，最後記得留肚食埋雪糕同甜品呀～