更多
2017-11-01
1184 瀏覽
餐廳既裝潢富日本風,從窗外望去,適逄秋高氣爽,感覺猶如置身日本小店。一坐低店員即刻奉上免費贈送既前菜,係茄子同南瓜,兩樣都炆得非常之腍身同埋入味,連前菜都功架十足,令我對陣間既美食十分期待。土佐豆腐,豆腐外層被炸得酥脆,裏面既豆腐極度嫩滑,醬汁味道恰到好處,特別鐘意佢面頭海量既香蔥同埋海苔,令整個食感更加豐富。天婦羅盛,有一件魚,三件蝦同五件野菜;天婦羅蝦爽口彈牙,表面脆漿並沒有過厚,野菜方面有茄子,蕃薯,青椒,冬菇同埋秋葵,種類繁多,叫人心花怒放。西京燒銀鱈魚,銀鱈魚油脂豐富,經過燒製後油香四溢,入口魚油傾刻爆發,連埋微微焦脆既邊皮位一齊食,口感份外肥美。燒白鱔,呢間餐廳既燒白鱔並無好似其他一貫日本餐廳咁樣用上大量與及多層既鰻魚汁嚟燒製,明顯更見魚味,亦係廚師對選材充滿信心既象徵,絕對值得一試。壽司定食,壽司定食一共有八件壽司,同埋味噌湯,沙律以定食嚟講分量算大,好似散嗌一個沙律咁;味噌湯上枱仲有微微燙口,讚;三文魚壽司新鮮肥美;赤座蝦彈牙爽口,蝦膏特多, 食完仲有大量嘅蝦膏遺留喺個碟上面; 帶子壽司肥大肉厚,清甜無比;喺每一舊壽司之間用一小片生薑嚟清新一番,感覺更好。臨走發現裏面仲
餐廳既裝潢富日本風,從窗外望去,適逄秋高氣爽,感覺猶如置身日本小店。
一坐低店員即刻奉上免費贈送既前菜,係茄子同南瓜,兩樣都炆得非常之腍身同埋入味,連前菜都功架十足,令我對陣間既美食十分期待。
土佐豆腐,豆腐外層被炸得酥脆,裏面既豆腐極度嫩滑,醬汁味道恰到好處,特別鐘意佢面頭海量既香蔥同埋海苔,令整個食感更加豐富。
天婦羅盛,有一件魚,三件蝦同五件野菜;天婦羅蝦爽口彈牙,表面脆漿並沒有過厚,野菜方面有茄子,蕃薯,青椒,冬菇同埋秋葵,種類繁多,叫人心花怒放。
西京燒銀鱈魚,銀鱈魚油脂豐富,經過燒製後油香四溢,入口魚油傾刻爆發,連埋微微焦脆既邊皮位一齊食,口感份外肥美。
燒白鱔,呢間餐廳既燒白鱔並無好似其他一貫日本餐廳咁樣用上大量與及多層既鰻魚汁嚟燒製,明顯更見魚味,亦係廚師對選材充滿信心既象徵,絕對值得一試。
壽司定食,壽司定食一共有八件壽司,同埋味噌湯,沙律以定食嚟講分量算大,好似散嗌一個沙律咁;味噌湯上枱仲有微微燙口,讚;三文魚壽司新鮮肥美;赤座蝦彈牙爽口,蝦膏特多, 食完仲有大量嘅蝦膏遺留喺個碟上面; 帶子壽司肥大肉厚,清甜無比;喺每一舊壽司之間用一小片生薑嚟清新一番,感覺更好。
臨走發現裏面仲有幾張優雅既卡座,下次人多啲可以試吓卜吓。
張貼