塚田農場 (已結業)

呢日約咗人係apm 附近交收，交收完順便食個晏，見到呢間餐廳都唔少人食，所以就試下。餐牌嘅選擇都幾豐富，有唔少火鍋、丼飯、小食、定食菜式揀。我選擇咗一個美人框飯御膳lunch set，有齊前菜、小食、主食、湯、兩款框飯，非常吸引。天婦羅拼盤非常豐富，炸蝦彈牙鮮甜，肉質有彈性，絕對不能錯過。跟餐既凍豆腐好滑，入口清爽，刺身都好新鮮，加埋下面既沙律好開胃。框飯都好吸引，選擇咗鰻魚同三文魚兩款。鰻魚嫩滑，醬汁濃厚，三文魚好香，飯用左醬汁煮，同一般既飯好唔同，口感濕潤，都幾特別。雖然細細碗，但加埋成個套餐有好多款食物，豐富得嚟食落又夠飽。今餐食得都幾滿足，價錢都算合理，同其他日本餐廳價錢相若，但就包埋飲品吧同沙律吧，所以都幾吸引。