中村屋

營業中

休息中

午餐 · 2人聽講天后有間由日本人主理嘅壽司店，非常想念日本野食嘅我梗係要黎試下啦～壽司店環境比較細，似係專做外賣嘅店，店內只有四個位可以俾客人企喺度進食。雖然只係小店，但呢度嘅食品種類唔算少，尤其有唔同組合嘅壽司set、刺身丼，好岩想一次試多啲款式嘅人 (例如:我)~特上壽司 ($298)揀呢盒壽司最大嘅原因係因為拖羅同海膽~真心好食! 絕對有日本壽司嘅感覺~雖然拖羅唔夠肥美，但仍然好好食，而海膽亦都好新鮮。總括嚟講，係一間好有日本味道嘅壽司店～十分推薦！