丸十あぶり牧場 (已結業)

放假都係要四圍搵食，今次就睇完戲就係附近搵食，俾我睇到依間門口有4款set，都係三佰幾至六佰幾... 諗咗好耐為食嘅我都係揀個六佰幾個set, 有刺身，串燒，沙律，4款牛，和牛肉腸，雞肉，湯同飯最緊要仲有沙律菜。落完order先送我2件圍巾，湯，等咗陣就係刺身，刺身有3款質素都唔錯，牛油果蟹子沙律做得好，串燒有驚喜個牛舌係厚身有咬口又多汁，之後到主角就係牛牛一盤送上每款牛上都有個樣板仔字住部位，但埋位第一樣我係燒個和牛腸先，個腸要燒到一半剪開去，再底面燒，咁先可以再將和牛嘅脂肪燒得更香更好食，而其他部位嘅牛，我唔敢夾菜食怕浪費嘅個牛油香，每次我都係食完一舊牛先再食沙律菜，但老公就重口味沙律菜牛再加蒜，佢話咁先最好食喎。