鬼金棒

營業中

休息中

記得上次食鬼金棒時因為怕辣所以揀左少麻少辣，之後覺得無乜味😅，於是今次就揀左中麻中辣，感覺對路好多，而且終於感受到呢度嘅特別之處！就係帶四川風嘅日式拉麵！呢度嘅拉麵嘅麻係來自花椒，自自然然聯想到四川菜，感覺超特別！湯底濃郁，味道無話過份刺激，湯底厚身，令拉麵好掛湯。呢度嘅拉麵好粗身，有烏冬咁粗，啖啖滋味！我揀左呢款有兩大件叉燒！滿足我呢個食肉獸。叉燒唔會得肥膏，肉嘅部分都唔少架。食辣嘢配汽水啱曬，我就揀左Coke Zero ($15)。食完之後感覺好想食多次！下次想加麻😋