深燒酒 (已結業)

.📍深燒酒📍今次要介紹嘅係日式居酒屋風格嘅燒肉店💛上次路過已經覺得好有日本feel，今次終於食到！🤤🤤雖然喺自己動手燒嘢食，但店員好貼心，不時都會提醒食物應該點燒💯開始燒之前，店員會比客人選擇醬汁，而我就揀咗蒜蓉同沙嗲（爐旁邊兩兜），另外會有一碗類似醬油嘅汁燒食物用。必食一定喺深燒牛肉拼盤（$248），一共有六款唔同嘅牛肉，包括有特級安格斯牛、一口霜降牛、鹿兒島A4和牛、牛舌、牛頸椎同金菇牛肉卷。個人覺得特級安格斯牛最好食，牛舌較外面食到嘅厚，燒落又幾好食，而金菇牛肉卷就無咩特別，拼盤份量幾岩一齊share 食，又可以一次試到唔同款式！擺盤好靚，非常適合打卡，仲有個牌仔話俾你知到底係咩部位👍🏻另外都仲有雞肉或者海鮮拼盤，仲有唔同set可以叫！另外仲叫咗啲蔬菜，個人非常推薦茄子🍆，邊燒邊落蒜蓉，勁好食（食完成口蒜味🤣🤣）而燒粟份量都幾多，有三條類似kfc牛油粟米size🤣仲有一舊牛油隨你喜好咁落👍🏻網上都見到唔少人叫深燒蟹蓋食，不過我唔多喜歡食蟹膏，所以就冇試到，有興趣嘅朋友都可以試吓㗎！小店幾有日式居酒屋feel，可以一解思鄉之情🏮仲有好多唔同款式嘅酒🍻🍻.推薦指數：🍻🍻🍻🍻（4/5）