Xolo (已結業)

好耐冇食串燒喇🥺 嗰日行開荃灣見到有間新開嘅日式串燒小店，一於就試下餐廳室內有冷氣空間，串燒即叫即製！串燒雞翼($24) 皮脆肉嫩，帶有鹽燒嘅風味但又唔會太咸，好有驚喜！另外點左金菇牛肉卷 ($26) 肥牛好入味，金菇都好爽口，咬落去爆汁😝 照燒雞扒拉麵 ($68) 都好好食，照燒雞扒外脆內嫩，照燒醬好惹味，而豬骨湯無落味精，唔會太咸，配埋半熟嘅溏心蛋真係超正！選擇困難嘅話可以揀串燒拼盤($138) 唔使諗，不過個人都係中意跟自己preference散叫多啲 另外叫左個清酒煮蜆($88)份量超多，但如果清酒味更重就好了😛總括而言真係好有驚喜😍😍