更多
2021-05-24
2229 瀏覽
不知不覺於第4波疫情後，迪士尼已經重開了3個月。始終疫情未完全受控下，第5波疫情出現既可能性仍然有一定程度既機會，所以以安全既方式前往主題樂園遊玩，對於放鬆心情都係唔錯既選擇。而迪士尼響應對疫情而採取既措施亦都唔少(不論係員工檢測既頻率﹑周圍都見到既消毒用品﹑員工於遊樂設施及餐廳勤力既消毒及清潔)，都會令你相信所有觸及過既地方都係安全既。作為小小既迪士尼粉絲，於35度既天氣入迪士尼遊玩真係好熱，所以小編與幾位朋友們都希望搵到個舒適既環境享用午餐。而大街餐廳(Corner Cafe)因為政府防疫措施而只可提供50%入座率關係，建議大家如果11點前入園既話就先去預約留位(輪到你個陣會收到SMS並有15分鐘留枱)，否則小編11點留枱而1點左右收到SMS去入座個刻，等候枱數已經去到240張枱的恐怖程度(甚至員工已表示有可能關園前都未有枱提供)。迪士尼而家以15周年為題，推出左一系列既精選食品，而大街餐廳內既紙枱墊亦已經換上15周年既主題! 不過小編星期六入座個刻就未見有相關既宣傳(可能太多人既關係)，所以就直接於主餐單內搵好野食吧! (詳細餐單可參閱食評最底既部分)大街餐廳既甜品一向都係小編及
作為小小既迪士尼粉絲，於35度既天氣入迪士尼遊玩真係好熱，所以小編與幾位朋友們都希望搵到個舒適既環境享用午餐。而大街餐廳(Corner Cafe)因為政府防疫措施而只可提供50%入座率關係，建議大家如果11點前入園既話就先去預約留位(輪到你個陣會收到SMS並有15分鐘留枱)，否則小編11點留枱而1點左右收到SMS去入座個刻，等候枱數已經去到240張枱的恐怖程度(甚至員工已表示有可能關園前都未有枱提供)。
迪士尼而家以15周年為題，推出左一系列既精選食品，而大街餐廳內既紙枱墊亦已經換上15周年既主題! 不過小編星期六入座個刻就未見有相關既宣傳(可能太多人既關係)，所以就直接於主餐單內搵好野食吧! (詳細餐單可參閱食評最底既部分)
大街餐廳既甜品一向都係小編及老公既至愛，而$98既價錢相對戶外店$40/支雪條或雪糕店$52/杯雪糕筒黎計，呢個價錢有得坐有得食其實好抵。不過時值午飯時間，還是向大街餐廳質素唔錯既套餐著手吧! 簡單講套餐介乎$178-$288計算，包括1款5選1前菜(湯/沙律/小食)及1款主菜，如有需要可加$18換購果汁/汽水 (戶外店買需要$30以上)。
以下就係小編與老公所點既菜色及評價：
前菜1 - 蟹肉木瓜沙律：還可以。其實最主要入面有小編唔太喜好既生洋蔥，但以蟹肉份量及木瓜清甜味道黎講，再加上整份沙津既賣相，睇得出廚師有心機去佈置及裝飾，所以值得加分。
前菜2 - 釀雞翼炸薯絲蝦及洋蔥圈：抵食。本身配有1隻雞翼﹑1件蝦及3件洋蔥圈，而且再配有芒果蕃茄及沙律菜作伴菜。雞翼釀入類似免治雞肉(有少少芝士香味)；而薯絲蝦可能之前炸定而稍為腍身；至於洋蔥圈剛巧新炸起，所以好香口；配以蕃茄同芒果可以解油膩感。
主菜1 - 地中海海鮮意粉 (套餐$218)：好味! 海鮮意粉配有2隻大蝦﹑2隻魷魚圈﹑2隻青口及1塊魚扒。雖然比初次食海鮮意粉計，龍蝦汁既濃度相對較淡，但夾起意粉個陣仍然會聞到陣陣既龍蝦味，而幾款海鮮亦頗新鮮(尤其大蝦)，食唔到有泥味等等既奇怪味道。而且份量以女仔食黎講會比較多，建議同男士分享一齊食會比較好。
主菜2 - 香煎特級西冷扒 (套餐$288)：好味! 本身西冷扒可選配飯/薯條/薯蓉，而小編老公揀左薯蓉之下，好驚喜薯蓉以牛油及忌廉調配，所以口感非常幼滑，同牛扒肉汁及燒汁非常匹配，令人有飽肚感下唔會有單一既味道。而牛扒有坑紋下雖然聞唔到炭燒既味道，但西冷扒質素非常高，既無麻煩既筋脈，肉質亦非常結實，而煮製過程中肉汁亦能鎖住於扒內，所以唔會有榎口(粗糙)既感覺。
飲品 - 西瓜汁 (加$18)：似係鮮榨而加少少糖水既感覺，有機會下次再試個陣問問有冇得走甜先。
埋單計扣除朋友既食物，以小編及老公計人均消費連加一大約$280。如果以午餐黎計的確係比較貴，但如果以樂園內其他餐廳(如火箭餐廳既漢堡﹑笑匠歡宴坊既飯類)都要接近$130-$150位推算，大街餐廳都會俾到個舒適而悠閒既環境用餐。而食品亦算高質素情況下，小編都仍然會作為樂園內推介餐廳既前列對象。
最新於5月22日攝影既餐單：
題外話/補充資料：
部分於玻璃屋 (室內有冷氣)及窗口坐位會離遠望到城堡，甚至間中會有巡遊列車與大家安坐坐位見面。如果時間及位置巧合遇到，相信會更加令大家於餐廳既滿足體驗增強吧!
(以上食評乃用戶個人意見 , 並不代表OpenRice之觀點。)
張貼
