水門泰式海南雞飯專門店 (已結業)

見佢新開冇幾耐，又乾乾淨淨咁，$45所以買嚟試咯。先講個紙盒，幾骨子，唔用膠環保啲，食都食得安心，冇咁罪惡感。不過個飯呢，落咗好多蒜喺面，因為本身唔好，而且轉頭要見客，所以「不」走晒。啲🐔呢，幾好味，應有嘅味佢有，佢唔應該有嘅味就冇，口感質感都正常，重要係唔會太肥，食到個口油淋淋。其實中規中矩已好OK，$45喺中環食個泰式海南🐓，想食咗人隻車咩。佢個舖名叫水門，但同泰國曼谷水門嗰間爭好遠，風味都唔同，可能調教過口味啦，但都好食。不過店員有禮貌，舖頭又乾乾淨淨，喺呢區嚟講幾正㗎啦，又多一個食嘢選擇。