串Grill 自助燒烤專門店 (譽發廣場) (已結業)

第一次試呢類自助串燒放題店係位於觀塘某放題店，試完感覺呢種自轉燒烤形式都幾得意。為咗方便係市區睇戲，今次就試吓位於旺角嘅串grill，座位相對舒適，亦較光猛。自助串燒放題 $198牛：M6和牛牛柳、紐西蘭牛西冷、牛舌．各款牛肉串燒發揮不俗，牛舌可以Encore。雞肉：雞軟骨、雞卷肉、雞腎．個人認為雞肉類串燒尤其出色，雞卷肉幾嫩滑，應該有另外醃過作調味；雞腎爽口易咬。海鮮：鯖魚、蜆肉．除咗大路嘅豬牛雞肉，餐廳亦有啲海鮮串燒選擇。鯖魚比想像中大舊，啖啖肉但無咩腥味；估唔到仲有蜆肉選擇，食落無沙，味道正常。豬肉、丸類同其他：豬肉丸、豬大腸 、魚片頭、魚蛋、魚肉年糕、蝦卷、墨魚丸、燒賣、廚師腸、台灣腸、翠玉瓜、雞髀菇、冬菇、日本甜薯、菠蘿．魚肉年糕燒到魚肉皮半脆、年糕半融，口感幾正；台灣腸油香幾明顯，可以一戰；豬大腸頗有嚼勁；日本甜薯燒至外皮微脆，薯蓉香甜。*飲品係任飲形式，特別啲嘅位係較多鴻福堂飲品選擇，飲完感覺無咁熱氣。值得一提，佢地嘅濕紙巾包裝真係好盞鬼。